Қырғызстан алдағы үш жылда энергетикалық қарыздарын жауды көздеп отыр
Қырғызстанда электр энергиясының тапшылығы болмайды. Бұл туралы Facebook парақшасында ҚР Энергетика министрі Таалайбек Ибраев жазды. Министрдің сөзінше, билік қырғызстандықтарды тек электр энергиясын ұтымды пайдалануға шақырады.
«Өткен жылдардағыдай, қыста біз көрші елдерден электр энергиясын 3 сом (17,79 теңге) бағасымен аламыз және халыққа 1 сом 37 тиын (8,13 теңге( тарифі бойынша жеткіземіз. Құн айырмасы ҚҰЭЖ (Қырғызстанның ұлттық электр желісі) балансында берешек ретінде қалады. Осыған байланысты президент импорт көлемін барынша қысқартуды, энергияны үнемді пайдалануды және келесі жылы 25 млрд сом (148 млрд теңге) көлеміндегі қалған берешекті өтеуді тапсырды», – деді Ибраев.
Ол 2026 жылы Қырғызстан қарызын толығымен өтеп, пайда табуға ниетті екенін айтты. Елдің жоспары бойынша, 2028-2029 жылдардың қысына қарай ел электр энергиясын импорттауды тоқтата алады.
Ибраев бұған дейін 24.kg басылымына берген сұхбатында Қырғызстанда электр энергиясының одан да көп тапшылығын болдырмау үшін барлық тау-кен фермаларын өшіргенін айтқан. Министр осыған байланысты ел азаматтары, компаниялар мен ұйымдар электр энергиясын үнемдеуі керек деп санайды.
