Алматы әуежайында 22 жастағы студенттен оқ табылды

Алматы әуежайында 22 жастағы студенттен оқ табылды. Бұл үшін ол қомақты айыппұл төледі.

Tengri Travel хабарлауынша, 22 жастағы студенттің әмиянынан Алматы әуежайында оқ табылған.

Көліктегі полиция департаменті баспасөз қызметінің хабарлауынша, оқ тексеру кезінде анықталған.

«Қарағанды-Сортировочная станциясында көліктегі полиция қызметкерлері Теміртаудың 30 жастағы тұрғынынан тегіс ұңғылы мылтық тапты. Сот оны бір жылға бостандықты шектеу жазасына кесті. Ал Алматы әуежайында көліктегі полиция қызметкерлерінің тексеруі кезінде 22 жастағы студенттен 9х18 мм калибрлі оқ тәркіленді. Сот шешімі бойынша оған 200 МРП (786 400 теңге) көлемінде айыппұл салынды», – деп хабарлады ведомство.

Полиция ұшу кезінде ұшақтар мен пойыздарда кастет, пышақ, электрошокер, оқ-дәрі, қару, пиротехникалық құралдар және басқа да қауіпті заттарды тасымалдауға қатаң тыйым салынатынын еске салды.

«2025 жылдың басынан бері көліктегі ПД-де суық қаруды заңсыз сақтау, кию және тасымалдау фактілері бойынша 496 қылмыстық іс тіркелді, сондай-ақ 133 әкімшілік құқық бұзушылық анықталды», – деп хабарлады баспасөз қызметі.

Ведомство хабарлағандай, әуе және теміржол көлігіндегі нысандарда тыйым салынған заттарды сақтау, тасымалдау және беру әкімшілік немесе қылмыстық жауапкершілікке әкелуі мүмкін.

Бұған дейін Алматы әуежайында бір қазақстандық дубинкамен, ал бір қырғызстандық кастетпен ұсталған еді.

Мұның алдында Алматы әуежайында ұшақтың жанармай көлігімен соқтығысқаны туралы ақпарат тарады.