Қостанай мектептері онлайн оқуға көшеді
Қостанай қаласының білім бөлімі мектеп сабақтарын 25 қарашадан бастап апта соңына дейін қашықтықтан оқыту форматына уақытша ауыстыру туралы хабарлады. Шешім ЖРВИ және тұмаумен ауырғандардың саны артуы, сондай-ақ оқушылар мен педагогтар екінші мәрте ауырып бастауы салдарынан қабылдған.
Өңірлік Алау басылымының хабарлауынша, шара педагогикалық кеңестер мен білім беру ұйым директорларының бірлескен отырыстарында келісілген және оқушылар мен ұстаздардың қауіпсіздігін қамтамасыз етуге және денсаулығын сақтауға бағытталған.
Қашықтықтан оқытуға Қостанайдағы барлығы 37 жалпы білім беретін мектеп ауыстырылды. Эпидемиологиялық ахуал мониторингінің қорытындысы бойынша аптаның соңында оқыту форматы туралы одан әрі шешім қабылданатын болады.
Білім бөлімі ата-аналар мен оқушыларға сабақ кестесі мен ұйымдастырушылық мәселелер туралы жедел ақпарат алу үшін сынып жетекшілерінің хабарламаларын және мектептердің ресми арналарын бақылауды сұрады.
Айта кетейік, өткен аптада елдегі эпидахуал өршіп, жеті өңірдегі оқушылар онлайнға ауысты. Ол Астана қаласы, Шығыс Қазақстан, Абай, Жамбыл, Қостанай, Ақмола, Қарағанды облыстары. Жалпы республика бойынша 132 мектепте 1469 сынып қашықтан оқытылатын форматқа ауыстырылды.
