Қазақстан мен Өзбекстан газ үшін соттасып жатыр

QazaqGaz ұлттық компаниясына еншілес «Интергаз Орталық Азия» өзбек компаниясын сотқа берді. «Астана» халықаралық қаржы орталығы төрелігіне түскен шағым «Өзтрансгаздың» үстінен жазылған.

Қазақ компаниясы көрші елден шамамен 2 млн доллар өндіріп алғысы келеді. Мәлімет Олег Червинскидің «Қазақстанның мұнай-газы» Telegram-арнасында жарияланды. Шағым «Интергаздың» өзі жүргізген есептеулері негізінде дайындалған.

Алайда «Өзтрансгаз» мұндай талаппен келіспеді. Өйткені қанша газ айдалғанын есептейтін торап Өзбекстан аумағында орналасқан. Соған байланысты өзбек компаниясы шағымға қарсы талап-арыз өткізген.

Әзірге «Интергаз» бастапқы шағымын қарауды тоқтатып, даулы іске сырттан тәуелсіз кеңесші тартып жатыр.

1997 жылы құрылған «Интергаз Орталық Азия» 100% «QazaqGaz» ұлттық компаниясы тиесілі. Ал оның жалғыз акционері – «Самұрық Қазына». Интергаз Қазақстан аумағында газ тасымалдаумен және сақтаумен айналысады. Компания Ресейдің Өзбекстанға сатқан табиғи газын Қазақстан аумағы арқылы транзиттеумен де айналысады.

Естеріңізге сала кетейік, бұған дейін Kursiv.Media Интергаз топ-менджерлері 7 млн теңге айлық алатыны туралы жазған. Қазанның басында QazaqGaz-дың еншілес компаниясына 1,2 млрд теңге айыппұл салынған еді. Биыл жазда компания елдегі 66 ауылға газ тарту үшін 9 млрд теңгеге облигация шығаратыны мәлім болған.