Тегін медицина: шұғыл дәрігер шақырту ақысы қымбаттайды

Денсаулық сақтау министрлігі тегін медициналық көмек аясында шұғыл дәрігер шақырту үшін төленетін ақыны көтеруді көздейді. Бес жыл бұрынғы бұйрыққа өзгеріс енгізуді көздейтін жоба Ашық НҚА порталында жарияланды.

Бұйрық туралы

Министрлік бұйрығының жобасы 28 қарашада жарияланды. Құжат порталда 15 желтоқсанға дейін талқыланады. Дәрігер еңбегін қаржыландыруды ұлғайтуды көздейтін жобада былай делінген:

«МСАК ұйымдарының жұмыс уақытынан тыс шақыруларының 4 дәрежелі шұғыл жағдайларына кеткен шығындарды төлеу, тарифтер бойынша төленеді, олар бір тіркелген адамға 340 теңгеден 360 теңгеге дейін өседі».

Министрлік сол арқылы құтқару қызметтері ресурстарын күшейтеді, азаматтар өтінішіне жылдам жауап беруге мүмкіндік береді деп есептейді.

Түсіндіреміз

Қоғам талқылауына ұсынылған жоба Медициналық-санитариялық алғашқы көмек (МСАК) ұйымдарының жұмысына қатысты. Енді бұрық қабылданса, жұмыс уақытынан тыс шақыруға қатысты төлемнің жаңа ережесі енгізіледі.

Емхана дәрігерлері немесе жедел жәрдем кешкі сағат 20-дан кейін, демалыс немесе мереке күндері үйге шақырылса, ол ақылы болады немесе кейде мүлдем келмейтін.

Төртінші дәрежедегі шұғыл шақырту, яғни өмірге қауіпті емес, бірақ тез көмек қажет ететін жағдайлар мысал келтірейік:

• дене қызуының жоғарылауы,
• құсу,
• белдің қатты ауыруы,
• бала құлағының ауыруы және т.б.

Осындай шақыртуларға МСАК дәрігері түнде, демалыста немесе мерекеде үйге келсе, оның еңбегінің ақысы МӘМС (міндетті әлеуметтік медициналық сақтандыру) қорынан төленеді.

Тариф қанша

Бір науқасқа (бір шақыртуға) енді 360 теңге төленеді. Шақырту ақысы көтерілген сайын дәрігер тез жетуге құлықты болады.

1. Дәрігерлер үшін қосымша мотивация – түнде шақырса да ақша алады.
2. Халыққа ыңғайлы – кешкі уақытта немесе демалыста баласы ауырып қалса, емхана дәрігерін шақыра алады (ақысыз, МӘМС есебінен).
3. Жедел жәрдемді босатады – өмірге қауіпті емес шақыртуларға 103-тің орнына МСАК дәрігері барады → ауыр науқастарға жедел жәрдем тезірек жетеді.

Енді түн жарымында балаңыз аздап сырқаттанып қалса, 103-ке хабарласып, 2-3 сағат күтудің орнына өз емханаңыздағы учаскелік дәрігер немесе бригаданы үйге шақыртыңыз. Олардың ақысы сіздің қалтаңыздан емес, МӘМС қорынан төленеді.

2025 жылғы қарашада Қазақстанда гонконг тұмауы өршіді. Көпшілікке танымал америкалық ғалым Алмас Шарман биыл қыста жағдай қиындайды деп болжады.

Бала гонконг тұмауын (H3N2) жұқтырған жағдайда не істеу керек екенін білмесеңіз, дәрігер кеңесіне құлақ асыңыз.