Қазақстандық Allur отандық нарыққа тағы жаңа көлік бренді қосылатынын мәлімдеді. Компания қытайлық Geely Galaxy-ді таныстырды.
Енді Қазақстан нарығында бұл брендтің төрт моделі ресми түрде қолжетімді болады. Олар: Galaxy EX5 EM, Galaxy EX5, CityRay және Preface. Алғашқы сатып алушылар үшін дистрибьютор аталған кез келген модельге 1 млн теңге көлемінде жеңілдік ұсынуға дайын.
Гибридті Geely Galaxy EX5 EM кроссовері жанармай үнемділігін және тиімділікті қамтамасыз ететін интеллектуалды Thor EM-i жүйесімен жабдықталған. Бұл көлік өуаттау станцияларының инфрақұрылымы болмаған жағдайда да тиімділігін жоғалтпайды. Іші кең, заманауи мультимедиялық жүйемен және жүргізушіге көмекші ассистенттермен жабдықталған.
Geely Galaxy EX5 электрлі кроссовері – жайлы салоны, кең жүксалғышы және сапалы шу оқшаулауы бар отбасылық көлік. Үйде, жұмыста немесе қоғамдық станцияларда қуаттауға мүмкіндік беретін икемді зарядтау нұсқаларын қолдайды. Жүргізушіге көмекші жүйелер көліктің базалық жинақтамасының өзінде бар.
Қалалық Geely Galaxy CityRay кроссовері мегаполистің қарқынды ритміне бағытталған. Жанармай үнемділігі, икемділігі, ойластырылған эргономикасы және кең көмекші жүйелері оны қала жағдайында ыңғайлы әрі практикалық етеді.
Бизнес-седан Geely Galaxy Preface премиум сандық архитектураны, сәнді дизайнын және кең артқы қатарын үйлестіреді. Қуат агрегаттары тұрақты басқаруды қамтамасыз етіп, интеллектуалды ассистенттер жоғары деңгейдегі жайлылық пен қауіпсіздікті қамтамасыз етеді.
Еске салайық, осыған дейін Geely Preface седаны мен Geely электрлі кроссоверін Қазақстанда құрастыру жоспарланып отырғанын жазған едік. Бұл модельдерге көлік құралының типін бекіту туралы рұқсатты «СарыарқаАвтоПром» зауыты рәсімдеді.
Айта кетейік, Қазақстандағы ресми автодилерлер қараша айының ортасынан бастап қомақты жеңілдіктер мен арнайы ұсыныстар әзірледі. Сатып алушылар үшін тартымды акциялар, тиімді несие бағдарламалары іске қосылды.
