Каспий құбыр консорциумына жасалған шабуылдан кейін Қазақстан Украинаға үндеу жасады
Қазақстанның Сыртқы істер министрлігі Новороссийск теңіз порты акваториясында халықаралық Каспий құбыр консорциумының аса маңызды инфрақұрылымына жасалған кезекті әдейі шабуылға байланысты ресми наразылық білдірді. Бұл туралы СІМ ресми өкілі Айбек Смадияров мәлімдеді.
Бұл оқиға халықаралық құқық нормаларымен қорғалатын азаматтық нысанға қарсы жасалған үшінші агрессиялық акті болып отыр. Министрлік аталған нысанның жұмыс істеуі халықаралық құқық нормаларымен қорғалатынын атап өтті.
Ресми өкіл Қазақстан энергия ресурстарын тұрақты әрі үздіксіз жеткізуді қамтамасыз етуге ерекше мән беретінін атап өтті.
«Каспий құбыр консорциумы әлемдік энергетикалық жүйенің тұрақтылығын сақтауда айрықша орын алатынын атап өтеміз. Осы оқиғаны Қазақстан Республикасы мен Украинаның екіжақты қатынастарына залал келтіретін әрекет ретінде бағалаймыз және украин тарапы мұндай жағдайлардың қайталануына жол бермеу бойынша нақты шаралар қабылдайтынын күтеміз», – делінген министрлік мәлімдемесінде.
Еске салайық, 29 қараша күні астана уақытымен сағат 06:06-да Новороссийск портындағы Каспий құбыр консорциумының (КҚК) теңіз нысандарына пилотсыз жүзу құралдары шабуыл жасады. Нәтижесінде, ВПУ-2 айлақ құрылғысы қатты зақымданып, толық жөндеуге дейін жұмыс істемейді.
