Қырғызстанда Жогорку Кенеш депутаттарының кезектен тыс сайлауында дауыс беру басталды.
Sputnik Қырғызстан мәліметінше, ел аумағында 2492 сайлау учаскесі жұмысын бастады, сондай-ақ адамдар көп шоғырланатын және уақытша орналасқан орындарда, ірі базарларда, сауда орталықтарында, медициналық мекемелерде, сондай-ақ алыс және қол жетуі қиын аудандарда 27 қашықтан дауыс беру учаскесі ашылды. Тағы 100 учаске шетелде ашылады.
Дауыс беру жаңа жүйе бойынша өтуде. Ел аумағы 30 округке бөлінген, олардың әрқайсысынан парламентке үш депутат сайланады.
Орталық сайлау комиссиясы 467 кандидат тіркеді: олардың 276-сы — ер, 191-і — әйел. Үміткерлер арасында қазіргі депутаттар, бұрынғы шенеуніктер, әлеуметтік желі белсенділері мен өнер адамдары бар.
Жогорку Кенештің мерзімінен бұрынғы сайлауы парламент қыркүйек айында өз-өзін тарату туралы дауыс бергеннен кейін тағайындалды. Сарапшылардың пікірінше, бұл сайлау парламент рөлінің әлсіреуі, елдегі энергетикалық дағдарыс және оппозицияға қысым көрсету аясында өтіп жатыр.
Ресми түрде жогорку кенештің өзін-өзі тарату себебі – депутаттардың 2026 жылдың желтоқсанына жоспарланған сайлау президенттік сайлауға кедергі келтірмесін деген ұстанымы болды. Себебі парламент сайлауы өз мерзімінде өтсе, президент сайлауы келесі айда өтуі тиіс еді.
Алайда сарапшылардың пікірінше, биліктің нақты мақсаты — президент Садыр Жапаровтың заң шығарушы билікке бақылауын күшейту және екінші мерзімге сайланар алдында бәсекелестерінен арылу.
Қырғыз Республикасының Орталық сайлау және референдум өткізу комиссиясының хабарлауынша, барлығы 467 кандидат тіркелді. Ішінде 276 ер адам және 191 әйел бар.
