Жаңалықтар

Дубайдағы бокстан әлем чемпионатына Қазақстан атынан кімдер барады

Фото: ҚР ҰОК

Қазақстан бокс федерациясы IBA нұсқасы бойынша өтетін бокстан әлем чемпионатына қатысатын ұлттық құраманың тізімін жариялады.

IBA турнирі 3–13 желтоқсан аралығында Дубайда өтеді. Чемпионатта 13 салмақ дәрежесі белгіленген. Байрақты бәсекенің жүлде қоры да салмақты. Жеңімпаз спортшы 300 мың доллар, күміс жүлде иегерлеріне – 150 мың доллар, қола жүлдегерлерге – 75 мың доллар, ал ширек финалистерге 10 мың доллар беріледі.

IBA әлем чемпионатында Қазақстан амысын қорғайтын құрама тізімі:

Теміртас Жүсіпов (48 келі);
Даниял Сабит (51 келі);
Сәкен Бибосынов (54 келі);
Оразбек Асылқұлов (57 келі);
Серік Теміржанов (60 келі);
Ертуған Зейнулинов (63,5 келі);
Санатәлі Төлтаев (67 келі);
Абылайхан Жүсіпов (71 келі);
Сабыржан Аққалықов (75 келі);
Ерасыл Жақпеков (81 келі);
Дәулет Төлемісов (86 келі);
Нұрмагамед Юсупов (92 келі);
Нұрлан Сапарбай (92 келіден жоғары).

Еске салайық, Қазақстан Олимпиада комитетінің президенті, әйгілі боксшы Геннадий Головкин Италияның Рим қаласында World Boxing президенті болып сайланды. 23 қарашада Римде ұйымның конгресінде Головкин Борис ван дер Ворсттың лауазымын ресми түрде қабылдайды. Головкиннің кандидатурасын тәуелсіз сарапшылар комиссиясы мақұлдады.