Инспектор екі күн қатарынан мас болып көлік айдап жүрген жүргізушіні ұстады

Милицияның патрульдік қызметі басқармасы (МПҚБ)  қызметкерлері Бішкекте екі күн қатарынан бір жүргізушіні мас күйде көлік басқарғаны үшін ұстады.

24.kg ақпаратына қарағанда, бұл туралы ведомствоның баспасөз қызметі хабарлады.

Алғашқы оқиға 3 желтоқсанда болған. Ер адам басқа автокөліктің рөлінде отырған кезде тоқтатылған. Медициналық тексеру оның мас болғанын растады.

Арада бір-ақ күн өткен соң, 4 желтоқсанда сол жүргізуші тағы да мас күйде көлікке отырған. МПҚБ инспекторлары қайта ұстады. Наркология орталығының мәліметінше, оның алкогольдік мас күйі екінші рет расталған.

Тексеру кезінде ер адам өзін дұрыс ұстамай, инспекторға бірнеше рет: «Қай жылы туылғансың?» деп түсініксіз сұрақ қойған.

МПҚБ өкілдерінің айтуынша, профилактикалық шаралар мен рейдтерге қарамастан, кейбір жүргізушілер қауіпсіздік талаптарын елемей, өз өмірін де, жолдағы басқа адамдардың өмірін де қауіпке тігіп жүр.

Қызмет өкілдері азаматтарды жол қозғалысы ережелерін қатаң сақтауға және ешқандай жағдайда алкоголь ішкеннен кейін рөлге отырмауға шақырды.

Айта кететін жайт, Қарағандыда 7 адам қайтыс болған жол апаты үшін жүргізуші 5 жылға сотталды.