Иваново облысында бортында жеті адам бар Ан-22 ұшағы құлады

Ресейдің Иваново облысында Ан-22 әскери-тасымал ұшағы құлағанын хабарлады. Оқиға туралы РЕН-ТВ де хабар таратты.

ТАСС мәліметінше, апат Уводь су қоймасы маңында болған. Ұшақтың сынықтары судың бетінде табылған. Құқық қорғау органдарының айтуынша, борт жөндеуден кейін жоспарлы бақылау ұшуын орындап жүрген.

Қорғаныс министрлігі Иваново облысында әскери-тасымал Ан-22 ұшағының құлағанын растады. Ведомствоның хабарлауынша, ұшақ адам тұрмайтын аумаққа құлаған. Экипаждың тағдырын анықтау үшін оқиға орнына іздестіру-құтқару тобы жіберілді. Сондай-ақ, болған жағдайдың барлық мән-жайын анықтау үшін Ресей Әуе-ғарыш күштерінің комиссиясы жолданады.

Өткен айда Карелияда Су-30 жойғыш ұшағы оқу-жаттығу ұшуы кезінде құлап, адам тұрмайтын аумаққа түскен. Экипаж қаза тапқан.

Мұның алдында Бразилияда жолаушылар ұшағы өртенген болатын.