Қытайда қандай кроссоверлер танымал? Ең көп сатылған топ-10 модель
Қытайда 2025 жылдың алғашқы он айының қорытындысы бойынша дәстүрлі бензинді қозғалтқышпен жүретін ең танымал 10 кроссовер анықталды. Бұл туралы kursiv.media «Қытай автокөліктері» басылымына сілтеме жасап хабарлайды.
Қытайдың Жеңіл автокөлік өндірушілері қауымдастығы (CPCA) тұрақты түрде жариялап отыратын жаңа кроссоверлерді тіркеу статистикасын ұсынды.
Қытайда дәстүрлі қозғалтқыштармен жүретін көліктердің сегменті біртіндеп жаңа энергия көздеріне негізделген көліктерге жол беріп жатыр.
Geely Monjaro
Қытайдағы ең танымал кроссоверлер рейтингін Geely Monjaro моделі бастап тұр. 2025 жылдың алғашқы он айында бұл автокөлікті 220 916 адам таңдаған. Қыркүйек айының соңында бұл Xingyue L атауымен танымал жергілікті модель кезекті жаңартудан өтті.
Geely Atlas
Екінші орында – тағы бір Geely кроссовері – Atlas моделі (Қытайда Boyue L атауымен танымал). 10 айдың ішінде бұл көліктің 176 669 данасы тіркелген. Қытайда бұл ықтимал Volga K40 моделі екі түрлі бензинді қозғалтқышпен ұсынылған: 1,5 литрлік 181 ат күші және 2 литрлік 218 ат күші бар нұсқалар. Екі жағдайда да 7 сатылы роботтандырылған беріліс қорабымен жабдықталған. Жетегі – тек алдыңғы.
Toyota RAV4
Үшінші орында – Toyota RAV4 кроссовері. Бұл модель Қытайда FAW-Toyota бірлескен кәсіпорнында құрастырылады. 2025 жылдың алғашқы он айында 176 669 дана сатылған. Жақында Қытайда осы модельдің алтыншы буыны таныстырылды. Дегенмен, ол статистикаға елеулі әсер етіп үлгермеген.
Volkswagen Tiguan L
Тізімнің төртінші орнында Volkswagen Tiguan L кроссовері. Бұл модельді Қытайда VW мен SAIC концерні бірлесіп құрастырады. 2025 жылдың алғашқы 10 айында бұл көлікті 164 867 адам таңдаған. Tiguan L көлігінің өлшемдері: ұзындығы – 4733 мм, ені – 1839 мм, биіктігі –1673 мм. Доңғалақ базасы – 2791 мм.
Changan CS75 Plus
Қытайда ең танымал кроссоверлер рейтингісінде бесінші орын Changan CS75 Plus моделі. 2025 жылдың алғашқы он айында оның тіркелген саны 151 752 дана болды. Бұл модельдің жаңа буыны жергілікті нарыққа 2024 жылдың қыркүйегінде шықты.
Chery Tiggo 8
Chery Tiggo 8 кроссовері 2025 жылдың алғашқы он айы бойынша ең танымал 5 модельдің тізіміне жетпей қалды, оның тіркеу саны – 149 351 дана. Toyota RAV4 моделіндегі сияқты, Қытайда жақында осы модельдің жаңа буыны таныстырылды. Бірақ бұл премьера жалпы көрсеткішке айтарлықтай әсер ете алмады.
Toyota Corolla Cross
Қытайда Ruifang деген атпен танымал Toyota Corolla Cross жетінші орында тұр. 2025 жылдың алғашқы он айында оның сатылымы 148 555 дана болды. Көліктің өлшемдері – 4460 х 1825 х 1620 мм, дөңгелек базасы – 2640 мм.
Volkswagen Tayron
Volkswagen ұжымының екінші кроссовері Tayron сегізінші орынға табан тіреді. Аталған модельдің 144 030 данасы сатылды. Көліктің стандартты нұсқасының өлшемдері: 4593 х 1860 х 1665 мм, ал дөңгелек базасы – 2731 мм.
Toyota Frontlander
Toyota маркасынан келген үшінші модель –Frontlander. Бұл көлік тізімде тоғызыншы орында тұр, сатылымы 141 756 дана. Кроссовер GAC компаниясымен бірлесіп өндірілуде. Жалпы алғанда, Toyota Frontlander моделі Corolla Cross-қа өте жақын туыс.
Honda CR-V
Топ-10 ең үздік кроссоверлер тізімін Honda CR-V толықтырады. Сатылымы 141 422 дана болып, бұл модель Toyota Frontlander-ден сәл ғана төмен тұр. Қытайда Honda кроссоверін Dongfeng компаниясымен бірлескен кәсіпорын шығарады. Автомобильдің өлшемдері: ұзындығы – 4703 мм, ені – 1866 мм, биіктігі – 1680 мм. Доңғалақтың базасы – 2701 мм.
