Ақтөбеден Алматыға ұшқан ұшақта жолаушы ауырып кейіннен қайтыс болды

Ақтөбеден Алматыға ұшқан SCAT ұшағының бортында жолаушының жағдайы қиындап, дәрігерлер оны құтқара алмады, деп хабарлайды SCAT әуекомпаниясының баспасөз қызметі.

«Ақтөбе-Алматы DV712 рейсінің кезінде бір жолаушының жағдайы кенеттен нашарлаған. Кабина экипажы дереу медициналық хабарлау рәсімін бастап, алғашқы медициналық көмек көрсетуге кірісті. Медициналық дайындықтан өткен жолаушылардың бірі кардиолог-дәрігер бортсеріктермен бірге реанимациялық іс-шараларды өткізген», – делінген хабарламада.

Ұшақ командирі мүмкіндігінше қысқа мерзімде қонуға тырысып, Ақтөбе әуежайына оралу туралы шешім қабылдаған. Қонғаннан кейін жолаушы жедел жәрдем бригадасына тапсырылып, реанимациялық шараларды жалғасқан. Алайда кейінірек оның қайтыс болғаны белгілі болды.

«Экипаж белгіленген авиациялық және медициналық хаттамаларға сәйкес жедел, үйлестірілген және қатаң түрде әрекет етті. Ұшу жағдайында жолаушыға көмек көрсету үшін барлық мүмкін шаралар қабылданды. Авиакомпания жолаушының туыстары мен жақындарына қайғырып көңіл айтады», – деп толықтырды SCAT.

Қараша айының соңында Астанадан Алматыға ұшқан Денсаулық сақтау министрі Ақмарал Әлназарова жолаушыға гипертониялық дағдарыспен көмектескені белгілі болды.