Каспий құбыр консорциумында жөндеу салдарынан қазақ мұнайының экспортына қауіп төнді
«Каспий құбыр консорциумы» (КҚК) терминалындағы ұзаққа созылған жөндеу жұмыстары қазақстандық мұнай экспортына қауіп төндіреді, деп жазады Bloomberg.
Басылым ақпаратына сүйенсек, Новороссийскідегі КҚК терминалының бітіру қондырғысында жөндеу жұмыстары кешіктіріліп жатыр. Осыған дейін 11-13 желтоқсанда аяқталауы тиіс болса, қазір 15 желтоқсанға жылжыған. Қазір үш VPU-ның біреуі ғана жұмыс істейді. Екіншісі жоспарлы жөндеуде, ал үшіншісі украиналық дрондардың шабуылынан қатты зақымданды және оны қалпына келтіру перспективалары әлі анық емес.
«Қазақстандық мұнай экспортының толық көлемін қамтамасыз ету үшін КҚК-да екі айлақ құрылғысы жұмыс істеуі тиіс. Бұл қоймаларда мұнай қорларының пайда болуына әкелді», – деп атап өтті басылым.
Қазақстандық мұнайды теңізден экспортқа шығаратын «Каспий құбыр консорциумының» инфрақұрылымына украиналық дрондардың шабуылы 29 қарашада болды. Новороссийск портындағы VPU-лардың бірі іс жүзінде жойылды. Бұған дейін Қазақстан көптеген жылдар бойы КҚК-ға балама таппағанын, бұл құбыр елдің әрбір тұрғыны үшін не үшін маңызды екенін және мүдделері де соққыға жығылған АҚШ-тың неге үнсіз қалғанын жазған едік.
