Қазақстанға бір айға тауық жұмыртқасын шетелден әкелуге тыйым салынды

11 желтоқсаннан бастап Қазақстанда тауық жұмыртқаларын импорттауға уақытша тыйым салынды.

Ауыл шаруашылығы министрлігінің бұйрығына сәйкес, тыйым бір айға созылады және көліктің барлық түрлеріне қолданылады. Бұл жұмыртқаларды Еуразиялық экономикалық одақ елдерінен де, басқа елдерден де әкелуге болмайтынын білдіреді.

Дегенмен, ерекшеліктер бар. Шектеу жұмыртқалардың Қазақстан аумағы арқылы транзитіне, егер олар басқа елге барса, сондай-ақ, жұмыртқалардың ЕАЭО елдері арасында Қазақстан арқылы өтуіне қатысты емес.

Ауыл шаруашылығы министрлігінің ақпаратына сүйенсек, қазақстандық жұмыртқа өндірушілерді қолдау және ішкі нарықты қорғау үшін уақытша тыйым салынды. Мақсат – жергілікті фермаларға тұрақты жұмыс істеуге және елді өніммен қамтамасыз етуге мүмкіндік беру.

Ауыл шаруашылығы министрлігі, сонымен қатар, Еуразиялық экономикалық комиссияға тыйым салудың қолданылуы туралы хабарлауға міндетті.