Өзбекстанда кәсіпкерлер үшін жағдайды едәуір жеңілдетуге шешім қабылданып, бизнеске бағытталған 1600-ден астам міндетті талап күшін жойды.
Өзбекстан үкіметінің баспасөз қызметі хабарлағандай, қаулы ветеринариялық қызметтің бақылауындағы 1 568 тауар бойынша өнімнің сәйкестік сертификаттарын алуға байланысты 1 600-ден астам талапты қамтиды. Сонымен қатар жеке кәсіпкерлерге туристік қызмет көрсетуге шектеулер жойылды.
Сондай-ақ жеке кәсіпкерлер шеттен алып келетін тауарларға бұрын 5000 доллар деңгейінде белгіленген шектеу жойылды. Туристерге тұрғын үйді 30 күнге дейін жалға беру ережелері, ағаш жиһаз өндірісіне қойылатын талаптар жеңілдетілді.
Бұл өзгерістер бюрократиялық жүктемені азайтуға және әкімшілік органдармен жұмыс істеу кезінде кәсіпкерлердің уақыты мен ресурстарын үнемдеуге арналған.
Енді бизнес үшін міндетті талаптардың бірыңғай электрондық тізіліміне 36 мыңнан астам ереже енгізілді.
