Биыл Алматыда 13 жаңа жылдық локация ашылды. Олар Сайран көлінің жанында, «Гүлдер» және «Family» саябақтарында, Ганди және Байсейітова скверлерінде, «Айнабұлақ», «Жасқанат», «Көкжиек» және «Құлагер» шағын аудандарында орналасқан.
Мегаполис әкімдігінің баспасөз қызметі хабарлауынша, мұнда жарық қондырғылары, гирляндалар және шағын сәулет нысандары орнатылды.
Жаңа жылдық әшекейлер 38 км көшені, оның ішінде 12 негізгі даңғылды қамтыды.
Дәстүрлі алаңдарда, яғни Абай, Астана және Арбат алаңдары, Панфилов көшесі, 28 гвардия-панфиловшылар паркі, «Алматы Арена» және «Атакентте» концерттер, жәрмеңкелер және отбасылық іс-шаралар өткізеді.
21 мұз айдыны, 480 шағын сәулет нысандары, 2000-нан астам жарық скульптуралар орнатылды. 47 көпір мен жер үсті өткелдері, 2200-ге жуық ағаш безендірілген. 74 шырша орнатылды: 30 мемлекеттік және 44 жеке негізде.
56 ескі нысан жаңартылды: төрт шырша, 45 мерекелік үй және жеті үлкен жарық құрылымы. Бүкіл қалада ертегі кейіпкерлерінің фигуралары, 2026 символикасы бар өнер нысандары, сыйлықтар, бұғылар мен жаңа жылдық шарлар пайда болды.
«Рождестволық базар стилінде жасалған ағаш үйлер жаңа жылдық безендірудің маңызды элементі болды. Олар сауда павильондары, интерактивті алаңдар және қалалық ортаның сәндік элементтері ретінде пайдаланылады. Ал әуежай мен вокзалдағы «Таза Қазақстан» мерекелік дизайнды экологиялық хабармен үйлестіреді», — деді әкімдік.
Айта кетейік, осыған дейін Алматы мен Астанадағы тегін мұз айдындары туралы жазған едік.
