26 желтоқсан прагматизмге, тәртіпке және жыл қорытындысын шығаруға бағыттайды. Geocult.ru деректеріне сүйене отырып, Kursiv LifeStyle барлық жұлдыз белгілеріне арналған болжамды ұсынады.
Тоқты
Бүгін кәсіби бедел мен мансаптық мақсаттар алдыңғы қатарға шығады. Басшылыққа немесе серіктестерге жылдық нәтижені таныстыруға қолайлы күн. Жеке өмірде сабыр сақтап, соңғы сәттегі артық шығындардан аулақ болған жөн.
Торпақ
Активтерді қайта қарап, шетелдік іссапарларды жоспарлауға жақсы уақыт. Кешті тыныш жағдайда өткізу алдағы қарбаласқа күш жинауға көмектеседі.
Егіздер
Салық, сақтандыру және ортақ қаржы мәселелеріне назар аударыңыз. Меркурий сөзге сақ болуды талап етеді – құжаттарға қол қоймас бұрын барлық деректі тексеріңіз. Қарым-қатынаста келер жылға қатысты ашық әңгіме маңызды.
Шаян
Белгіңіздегі Юпитер мүмкіндіктерді кеңейтеді, бірақ жүйелілікті талап етеді. Істе сенімді серіктестерге сүйеніңіз. Отбасылық кешкі ас эмоционалдық байланыстарды нығайтуға сеп болады.
Арыстан
Күнделікті шаруалар күтпеген табыс әкелуі мүмкін. Ұсақ істерді бөліп, стратегиялық жоспарға көңіл бөліңіз. Жеке өмірде тұрақтылық орнап, әрекет сөзден маңыздырақ болмақ.
Бикеш
Қаржылық мәселелерді шешуде шығармашылық көзқарас қажет. Аналитикалық қабілетіңіз жаңа жобалардағы тәуекелді дұрыс бағалауға көмектеседі. Романтикада жағымды тосынсый болуы мүмкін.
Таразы
Жылжымайтын мүлік пен кеңсе жайы басты тақырыпқа айналады. Жалға алу немесе сатып алу бойынша мәмілелерге қолайлы күн. Отбасында бюджетті талқылауда сабыр мен ымыра қажет.
Сарышаян
Іскерлік белсенділік пен келіссөз жүргізу қабілетіңіз жоғары деңгейде. Маңызды қоңыраулар немесе хаттар жобалардың бағытын өзгертуі мүмкін. Кешкісін ескі таныстан пайдалы кеңес естисіз.
Мерген
Қаржылық тұрғыдан сәтті күн. Белгіңіздегі Меркурий ақпарат алмасуды жеделдетеді, жылдам шешім қабылдауға дайын болыңыз. Жеке өмірде ұсақ-түйекке мән беру сенім мен жылылықты арттырады.
Тауешкі
Бұл күннің басты фавориті – Тауешкілер. Жеке брендті дамытуға немесе ауқымды бизнес-жобаны бастауға тамаша уақыт. Махаббатта бастамашыл болыңыз – сенімділігіңіз тартымды көрінеді.
Суқұйғыш
Талдау жасап, болашаққа дайындық жүргізетін кезең. Плутон ішкі өзгерістерге және тиімсіз тәсілдерден бас тартуға күш береді. Демалысқа уақыт бөліп, күйіп кетуден сақтаныңыз.
Балықтар
Командалық жұмыс жеке әрекеттен тиімдірек болады. Ортақ жобалар мен қоғамдық ұйымдар арқылы жаңа мүмкіндіктер ашылады. Кешкі уақыт бейресми кездесулер мен іс-шараларға қолайлы.
