«Жүзі суық еді»: Бердібек Сапарбаевтың келіні қайынатасымен танысқан кезін еске алды

Бердібек Сапарбаевтың келіні Адель Сапарбаева әлеуметтік желісінде күйеуі Жансұлтанның әкесін алғаш көрген кездегі сезімі мен ойын бөлісті.

Адель кездесу кезінде қобалжығанын, жылы қабылдаса екен деген ойда болғанын айтты. Дегенмен кездесу ол күткендей емес, тыныш әрі шынайы болған.

«Жансұлтанның әкесі көп сөйлемеді. Бізді бірден сынап жатқандай емес, тек басты нәрсені көрсетті. Өз ұлына деген алаңдаушылығын және біздің ниетіміздің маңызды екенін көрсетті», – деп жазды Адель.

Бастапқыда тыныштықты қатаңдық деп қабылдаған келіні кейін бұл мінездің «суықтық емес, ата дәстүріне сай қамқорлық» екенін түсінгенін атап өтті.

Адель Сапарбаева бұл кездесуді қазір ризашылықпен еске алады.

«Шынайылық. Тік мінезі. Сөзбен дәлелдеуді қажет етпейтін сыйластық үшін алғысым шексіз», – деп жазды ол.

Еске сала кетейік, бұған дейін Бердібек Сапарбаев пен Даниал Ахметовті байланыстыратын бизнестері жайлы жазған едік.