5 қаңтардан бастап қазақстандықтарға тегін бухгалтерлік кеңестер беріледі

2026 жылғы 5 қаңтардан бастап Қазақстанда «Халық бухгалтері» акциясы басталады. Ол жеке кәсіпкерлер мен шағын бизнеске арналған және 30 маусымға дейін жалғасады.

Мемлекеттік кірістер комитетінің хабарлауынша, жоба бухгалтерлік есеп, салық және электрондық жүйелермен жұмыс істеу бойынша тегін кеңес береді. Негізгі формат-қалалар мен облыс орталықтарындағы мемлекеттік кірістер басқармаларында күндізгі қабылдау: қаңтар-ақпан айларында олар аптасына үш рет сағат 10:00-ден 13:00-ге дейін, наурыздан бастап екі рет өтеді. Қабылдау орындары «Халық бухгалтері» деген белгілермен көрінеді.

«Астана, Алматы және Шымкентте мүмкіндігінше қаланың барлық аудандарында консультациялар өткізудің жекелеген орындарын анықтау жоспарлануда. Өңірлерде консультациялар аудандық деңгейде, қажет болған жағдайда мамандардың баруымен ұйымдастырылатын болады», – деп нақтылады МКК.

Бухгалтерлер, аудиторлар және мемлекеттік органдардың қызметкерлері – кәсіпкерлерге заңдарды түсіндіруге және практикалық нұсқаулар беруге көмектеседі. Бетпе-бет қабылдаулардан басқа, бейнеконсультациялар, телефон байланысы, вебинарлар және тақырыптық сессиялар қолжетімді болады.

Ыңғайлы болу үшін нұсқаулықтар, call-орталық материалдары мен SalykBot Telegram-арнасы жаңартылады.