Астанадан шығатын негізгі трассалар көктайғақ салдарынан жабылды

Ауа райының нашарлауына байланысты Астанадан шығатын барлық негізгі трассалар автокөліктің барлық түрлерінің қозғалысы үшін уақытша жабық, деп хабарлайды ҚазАвтожол.

Ақмола облысы

• Астана – Шідерті – Павлодар – Успенка – РФ шекарасы (16-200 км, Астана – Павлодар облысының шекарасы учаскесі)
• Астана – Көкшетау – Петропавл – РФ шекарасы (18-232 км, Астана – Щучинск учаскесі)
• Астана-Атбасар – Жақсы – Рузаевка – Сарыкөл – Қостанай – РФ шекарасы (16-266 км, Астана – Атбасар учаскесі жүк және қоғамдық көлік түрлеріне арналған).

Павлодар облысы

• Астана – Шідерті – Павлодар – Успенка – РФ шекарасы (200-416 км, Шідерті – Атамекен учаскесі)
• Қызылорда-Жезқазған – Қарағанды-Шідерті (1135-1206 км)
• Қалқаман – Баянауыл – Үміткер – Ботақара (0-231 км).

Қарағанды облысы

• Астана – Қарағанды – Алматы (92-164 км, Ақмола облысының шекарасы – Теміртау учаскесі).

Басқа аймақтар:

• Жетісу облысында боран салдарынан Үшарал-Достық тас жолында (84-164 км) қозғалыс шектелген.
• Батыс Қазақстан облысында қар мен қатты желдің салдарынан жүк және қоғамдық көліктерге арналған жолдар жабылды.
• Шығыс Қазақстан облысында Осинов асуында қыстың соңына дейін тіркемелері бар жүк көліктері үшін шектеу болады.

Жол қашан ашылады

«Қазавтожолдың» мәліметі бойынша, егер ауа райы жақсарса, жолдардың ашылуының болжамды уақыты – 31 желтоқсан күні таңертең.

Жолдың жай-күйі туралы барлық өзекті ақпаратты 1403 колл-орталығына қоңырау шалу арқылы алуға болады (тәулік бойы жұмыс істейді).