Жаңа жыл қарсаңында азық-түлікті тиімді бағамен сатып алуға болады. Елімізде 23-31 желтоқсан аралығында ауқымды «Береке Fest» акциясы өтіп жатыр, деп хабарлады сауда және интеграция министрлігі.
Қай дүкендерде жеңілдік болады
Акцияға ел бойынша 80-ге жуық ірі сауда желісі қатысқан. Олардың ішінде күнделікті баратын танымал маркеттер бар:
- Magnum, SMALL, Toimart, Anvar;
- Dina, Фермаг, Норма, Дана және басқа да өңірлік дүкендер.
Баға неге арзандады
Бағаның төмендеуіне екі нақты себеп бар:
- Делдалсыз сауда: Фермерлер өз өнімін дүкен сөрелеріне тікелей жеткізеді.
- Төмендетілген үстеме: Сауда желілері пайдасын азайтып, тауарды халыққа тиімді бағамен ұсынуға келісті.
Айта кету керек, жеңілдіктер отандық өнімдерге ғана емес, кейбір импорттық тауарларға да жүреді. Әсіресе, әлеуметтік маңызы бар азық-түліктерге баса назар аударылған.
Дүкеннен «Береке Fest» тауарларын қалай табамыз
Акцияға қатысатын барлық сауда нүктелері бірыңғай стильде безендірілген. Сондай-ақ, дүкен ішінде қазақстандық өнімдер қойылған арнайы промо-аймақтар бар.
