UzAuto Motors жаңа Chevrolet Damas Max пен Damas Move-ты таныстырды

UzAuto Motors екі жаңа Chevrolet Damas-тың жүк тасымалдауға арналған Max және жолаушыларға арналған Move модельдерін таныстырды. Екі жаңа модельдің өлшемдері едәуір үлкейген, жүк сыйымдылығы артқан және негізгі жабдықталуы кеңейтілген. Сатылым уақыты қашан басталатыны әзірге белгісіз.

Damas Max – бизнес пен жеткізуге арналған

Chevrolet Damas Max шағын бизнес пен қала ішінде жеткізуге бағытталған. Жүк көтеру қабілеті 650 кг-ға дейін өсті, ал жүк бөлігінің көлемі 3 текше метрден асады. Бұл күнделікті жұмысқа ыңғайластырылған, практикалық әрі үлкенірек Damas.

Damas Move – отбасы және коммерциялық нұсқа

Chevrolet Damas Move – жеті орындық жолаушыларға арналған нұсқа, отбасылық сапарлар мен коммерциялық мақсаттарға сай келеді. Үшінші қатар орындардың артында шамамен 500 литрлік жүк салғыш қарастырылған, бұл осындай формат үшін жақсы көрсеткіш болып саналады.

Мотор және техника

Екі нұсқаға да екі атмосфералық бензинді қозғалтқыш ұсынылады:

• 1,2 литр, 81 ат күші
• 1,5 литр, 103 ат күші

Қорап – механикалық беріліс. Тежегіш жүйелері қарапайым, күрделі шешімдер жоқ.

Жабдықталуы
Негізгі нұсқада:

• жүргізуші мен жолаушыға арналған қауіпсіздік жастықтары
• ABS пен EBD жүйелері
• орталық құлып
• ұрлыққа қарсы жүйе

Климаттық айырмашылықтар:

• Move нұсқасында екі аймақты кондиционер бар
• Max нұсқасында бір аймақты кондиционер қарастырылған.

Chevrolet Damas Max пен Damas Move бағалары:

• Damas Max Van 1.2 LV0 – 134,4 млн сум (5,7 млн теңге)
• Damas Max Van 1.5 LV0 – 142,5 млн сум (6,0 млн теңге)
• Damas Move Pas 1.2 LV0 – 139,7 млн сум (5,9 млн теңге)
• Damas Move Pas 1.2 LV1 – 144,6 млн сум (6,1 млн теңге)
• Damas Move Pas 1.5 LV0 – 149,0 млн сум (6,3 млн теңге)
• Damas Move Pas 1.5 LV1 – 154,1 млн сум (6,5 млн теңге)

Айта кетейік, алдыңғы буындағы Chevrolet Damas өндірісі жалғасады. Жаңа Max пен Move модельдерінің сатылымға қашан шығаратыны туралы UzAuto Motors алдағы уақытта хабарлайды.