Желтоқсан айында Қазақстанда қандай өнімдер қымбаттады

2025 жылдың желтоқсанында елдегі ай сайынғы инфляция деңгейі 0,9% құрады, деп хабарлады Ұлттық статистика бюросы. Өткен айда азық-түлік және азық-түлік емес тауарлар, ақылы қызметтер бағасы төмендемеді.

Азық-түлік тауарларының ішінде ең қатты қымбаттаған төмендегі тауарлар болды:

• сиыр еті (32,1%);
• қой еті (28,8%);
• шұжық өнімдері (19,3%);
• алма (18,4%);
• күнбағыс майы (17,5%).

Азық-түлік емес тауарлардан зергерлік бұйымдар (38,2%), бензин (15,7%), киім (10,5%), тұрғын үйді жалға алу (14,8%), сұйытылған газ (23,2%) қымбатқа түсті. 

Жылдық мәнде инфляция 12,3% құрады. Бір жыл ішінде азық-түлік пен алкогольсіз сусындар (5,2 п.п.), денсаулық сақтау (1,5 п. п.), тұрғын үй қызметтері (1,2 п. п.) қымбаттады.

Осыған дейін 2025 жыл Қазақстан экономикасы үшін инфляцияны тежеу мен әлеуметтік тұрақтылықты сақтау арасындағы тепе-теңдікті іздеу кезеңі болғанын жазған едік.