6 қаңтарда жұлдыздар практикалық шешімдерге итермелейді. Бұл күн жұмыс істеуге, қаржылық мәселелерді реттеуге және жеке жайлылыққа көңіл бөлуге қолайлы. Kursiv LifeStyle күнді дұрыс жоспарлауға көмектесетін жұлдызжорамал божамын ұсынады.
Тоқты
Бүгін асығыстық қымбатқа түсуі мүмкін. Эмоцияны бақылауда ұстап, жұмыста сақ стратегия ұстанған жөн. Басшылықпен сөз таластырмаңыз. Жеке өмірде ашуды жылы қарым-қатынасқа ауыстырып, сүйіктіңізді кешкі асқа шақыру сәтті шешім болмақ.
Торпақ
Белгіңіздегі Уран қаржылық әдеттерді жаңартып, жаңа технологияларға назар аудару керегін меңзейді. Ұзақ мерзімді инвестициялар табыс әкелуі мүмкін, тек шыдам қажет. Жеке өмірде аздап тосын қадамдар сезімді сергітеді.
Егіздер
Бүгін құжаттар мен заңдық мәселелерге ерекше мұқият болыңыз. Бос әңгіме уақыт пен табысты зая кетіруі мүмкін. Кешкі уақыт зияткерлік кездесу немесе кітап дүкеніне бару үшін қолайлы.
Шаян
Юпитер үлкен армандарға жетелесе, Сатурн төленбеген шоттарды еске салады. Серіктестік қарым-қатынасты нығайтуға көңіл бөліп, көмек сұраудан тартынбаңыз. Отбасында ұсақ-түйекке мән бермей, сабыр сақтаған дұрыс.
Арыстан
Ай сіздің белгіңізде, сондықтан кез келген ортада назар ортасында боласыз. Идеяларыңызды ұсынуға таптырмас сәт. Қаржы жағынан мәртебеңізді көрсететін сәтті сатып алулар жасауға болады.
Бикеш
Бүгін көлеңкеде қалып, жобаларды терең талдауға уақыт бөлген жөн. Қаржылық есеп-қисаптағы қателерді түзетуге қолайлы күн. Қарым-қатынаста тым сыншыл болмаңыз, мінсіз адам болмайды.
Таразы
Дипломатияңыз күрделі келісімді сәтті аяқтауға көмектеседі. Уақытыңызды бағаламайтын адамдарға күш жұмсамаңыз. Жеке өмірде маңызды мойындаулар мен ортақ жоспар құру кезеңі басталады.
Сарышаян
Істе батыл шешім қабылдап, ескі тәсілдерден бас тартатын уақыт. Үлкен қаржылық жауапкершіліктен қорықпаңыз, ішкі түйсігіңіз дұрыс жол көрсетеді. Кешті белсенді өткізген жөн.
Мерген
Бүгінгі күн артық тәуекелге итермелеуі мүмкін, сондықтан қаржыға сақ болыңыз. Артық шығындарды қысқартыңыз. Білім алуға, ой-өрісті кеңейтуге көңіл бөлсеңіз, пайдасы тезірек тиеді. Махаббатта ашық сөйлесіңіз, жасырын сөз жанжалға әкелуі мүмкін.
Тауешкі
Бүгін жұлдыздар сізді қолдап тұр. Күш-қуат мол, мансапта алға жылжуға жақсы мүмкіндік бар. Тек демалысты ұмытпаңыз. Жеке өмірде тұрақтылық сақталады.
Суқұйғыш
Плутон ішкі тазалық жасап, қажетсіз дүниеден арылуға шақырады. Істерде уақытша кідірістер болуы мүмкін, оны демалысқа пайдаланыңыз. Жақындармен қарым-қатынас жұмсарады.
Балықтар
Сатурн тәртіп пен дедлайнды қатаң сақтауды талап етеді. Қаржы тұрақты, бірақ ірі шығындарды кейінге қалдырған жөн. Сезімде сөзге емес, іске сеніңіз, орынсыз үміттен аулақ болыңыз.
