Қазақстан президенті Қасым-Жомарт Тоқаев көршілес Қытай Халық Республикасына ресми сапармен барғанда, елде қытай делегациясын қабылдаған уақытта да қытай тілінде сөйлейді. Мемлекет басшысы кезінде аспан асты елінде оқыған кәсіби синолог.
Тоқаев Қытай төрағасы Си Цзиньпинмен кездесіп, маңызды тақырыптарды талқылаған уақытта да қытай тілінде сөйлейтінін айтқан. Оның 2023 жылғы мамырда CCTV қытай телеарнасы берген сұхбатын жергілікті баспасөз мақтаған. Тоқаев қытай тілін қаншалықты жақсы біледі?
Президенттің Leaders Talk бағдарламасына берген сұхбатын жақында блогер Майк Наварис пен Саша Chinalogia (Чайналогия) есімімен танымал шығыстанушы, қытай тілінің маманы бірге талқылады.
Наваристің пікірінше, Тоқаевта «лаовай», яғни шетел азаматының акценті сезіліп тұр. Дегенмен Александра мұндай акценттің басқалармен салыстырғанда көп еместігін атап өтті. Бірақ екеуі де мемлекет басшысының қытайшасы «түсінікті» екеніне келісті.
«Әр сөзін ой елегінен өткізеді. Лексикасы қарапайым, бірақ сөйлеу мәнері айтарлықтай жатық», – деп бағалады Chinalogia. Оның әріптесі Тоқаевтың дипломат екенін де ескертіп өтті.
Сөздің әр буынына екпін қоя әдісіне қарап, мамандар оның Қытайдың солтүстігінде немесе Бейжіңде оқығанын біліп қойды.
Расымен, Тоқаев 1983-84 жылдары Бейжің лингвистика университетінде білім алған. Ақорда мәліметінше, кейін ол КСРО-ның Қытайдағы елшілігінде 1991 жылға дейін істеді.
