Трамп Венесуэланың жаңа басшысына бірқатар талап қоймақ

Трамп Венесуэланың жаңа басшысына бірқатар талап қоймақ. Кейінгісі елдің бұрынғы басшысы бас тартқан қадамды жасауға тиіс.

Әйтпесе, «алдыңғы жетекшісінің тағдырын қайталайды». Бұл туралы Politico жазды.

Жағдайдан хабардар америкалық шенеуніктің және әкімшілік ішіндегі талқылауларды білетін дереккөздің айтуынша, АҚШ өкілдері Делси Родригеске кемінде үш қадамды көргісі келетінін жеткізген. Олар – есірткі тасымалына қарсы күресті күшейту, Вашингтонға жау елдерге немесе желілерге қатысы бар ирандық, кубалық және өзге де агенттерді елден шығару, сондай-ақ АҚШ қарсыластарына мұнай сатуды тоқтату.

Екі дереккөздің айтуынша, америкалық шенеуніктер бұрынғы вице-президент, қазір Венесуэланы басқарып отырған Родригес ақыр соңында еркін сайлау өткізуге ықпал етіп, өзі отставкаға кетеді деп күтеді. Алайда бұл талаптарды орындау мерзімдері өзгеруі мүмкін. Америкалық тарап жақын арада сайлау өтеді деп күтпейтінін атап өтпек.

АҚШ Венесуэлаға соққы беріп, диктатор Николас Мадуроны тұтқындағанына қатысты көптеген жайт әлі де белгісіз қалып отыр. Ақ үй Мадуроны құлату режимді ауыстыру операциясы немесе соғыс емес, есірткі баронына қарсы құқық қорғау шарасы болғанын мәлімдейді. Әзірге шектеулі қадамдарын түсіндіру үшін Вашингтон дәл осы ұстанымға сүйеніп отыр.