Air Astana әуе компаниясының 2026 жылғы 8 қаңтарда Сеул – Астана бағыты бойынша KC210 рейсін орындаған ұшағынан ақау шықты.
Zakon.kz хабарлауынша, борттағы барлық дәретхана істен шыққан. Сондықтан Бейжің әуежайына қонуға мәжбүр болған.
Ұшақ сағат 09:25-те ұшып шығып, жергілікті уақыт бойынша 11:50-де Бейжіңге қонған.
Қазіргі уақытта әуе компаниясы ақауды жою үшін қосалқы бөлшектің жеткізілуін күтіп отыр. Рейстің ұшуы жергілікті уақыт бойынша 01:00-ге ауыстырылды.
Сондай-ақ Қытай Шекара қызметі басшылығымен келісім бойынша визасы талап етілмейтін жолаушыларға қалаға шығып, қонақүйге орналасуға рұқсат берілгені атап өтілді.
«Қалған жолаушылар транзиттік аймақта қалады. Онда оларға тамақ, сусындар және көрпе беріледі», – делінген хабарламада.
4 қаңтарда Астана халықаралық әуежайында 40 шақты рейс кешіккен еді.
