Ақылы жолдардың қайсысынан табыс көп түсіп жатыр
2025 жылы Қазақстандағы ақылы жолдар арқылы шамамен 74 млн рет сапар жасалған. «ҚазАвтоЖол» 26 жолдың қайсысында көлік көп жүретіні туралы мәлімет таратты.
Рейтингте Алматы-Қонаев ақылы жолы көш бастап тұр. Былтыр дәл осы жолмен 11,8 млн мәрте сапар жасалған. Екінші орында Шымкент-Өзбекстан шекарасы (9,3 млн), ал үшінші орында Шымкент-Тараз (6,5 млн) тас жолы тұр.
Мекеменің мәліметінше, қазір ел аумағында жалпы ұзындығы 4 883 шақырымға созылып жатқан 26 ақылы жол жұмыс істейді. Олардың 12-сі бірінші техникалық санаттағы сапалы жолға жатады. Рейтингке қарағанда, сапарлардың 51%-ы алғашқы бес жолда жасалған.
2025 жылғы қаңтар-қазан айларында елдегі ақылы жолдардан 79 млрд теңге пайда түскен.
2025 жылы ақылы жолдар рейтингі мынадай:
- Алматы-Қонаев – 11,8 млн
- Шымкент-Өзбекстан шекарасы – 9,3 млн
- Шымкент-Тараз – 6,5 млн
- Тараз-Қайнар – 5,4 млн
- Шымкент-Қызылорда – 4,8 млн
- Астана-Теміртау – 4,4 млн
- Қонаев-Талдықорған – 3,9 млн
- Астана-Щучинск – 3,7 млн
- Щучинск-Көкшетау – 3,2 млн
- Астана-Павлодар – 2,5 млн
- Алматы-Қорғас – 2,5 млн
- Қостанай-Денисовка – 1,9 млн
- Тараз қаласының айналма жолы (Қайнар-Шымкент) – 1,9 млн
- Қызылорда-Арал – 1,8 млн
- Көкшетау-Петропавл – 1,7 млн
- Балқаш-Бурылбайтал – 1,4 млн
- Павлодар-Семей-Қалбатау – 1,3 млн
- Ақтөбе-Ресей Федерациясының шекарасы (Орынборға) – 1,3 млн
- Павлодар-Ресей Федерациясының шекарасы (Омбыға) – 856 мың
- Қостанай-Ресей Федерациясының шекарасы (Троицкке) – 831 мың
- Орал-Ресей Федерациясының шекарасы (Самараға) – 774 мың
- Шу-Бұрылбайтал – 707 мың
- Қандыағаш-Мақат – 583 мың
- Орал-Ресей Федерациясының шекарасы (Саратовқа) – 570 мың
- Бейнеу-Ақжігіт (Өзбекстан шекарасы) – 163 мың
- Үшарал-Достық – 101 мың.
2025 жылдың аяғында ақылы жолдарда төлем жасау ережесі жеңілдегені мәлім болды. Жолда жүру ақысы уақытылы төленбесе, қандай жаза қолданылатынын Kursiv.Media материалынан оқыңыз.
