Дональд Трамп Мексикадағы есірткі картельдеріне соққы бермекші. Бұл жайлы ол Fox News арнасына берген сұхбатында хабарлады.
«Біз қазір картельдерге қатысты құрлықта соққы бере бастаймыз. Картельдер Мексиканы басқарып отыр», -деді Трамп. Бірақ алдағы жоспарлар туралы егжей-тегжейлі мәлімет бермеді.
Басылымның дерегінше, АҚШ президентінің бұл сөздері Солтүстік Американың Кариб теңізі мен басқа да аймақтарда жасалған бірнеше айлық әскери науқан барысында айтылды.
Бірақ Мексика президенті Клаудия Шейнбаум бұл идеяны теріске шығарып, «АҚШ-тың Венесуэла істеріне араласуын» қатаң айыптады.
«Біз басқа елдердің ішкі ісіне араласуды үзілді-кесілді айыптаймыз. Латын Америкасының тарихы анық әрі дәлелді: араласу ешқашан демократия әкелген емес, ешқашан бақ-дәулет немесе тұрақты тұрақтылықты қамтамасыз етпеген. Тек халықтар ғана өз болашағын құра алады, өз жолын таңдай алады, өз табиғи ресурстарына егемендік жүргізе алады және басқару формасын еркін анықтай алады», – деді ол.
Жыл басында Трамп әкімшілігінің бұйрығымен Венесуэланың президенті Николас Мадуро тұтқындалды. Бірақ Конгресс оған әрі соғыс қимылдарын жасауға тыйым салды. Вашингтон операциясынан кейін ірі мұнай компаниялары Венесуэлада қара алтын өндірісін арттыруға кірісті.
