Мадридтік Реал бас бапкері Хаби Алонсоны қызметінен босатты
Мадридтік «Реал» футбол клубы өзінің ресми сайтында испандық Хаби Алонсоның бас жаттықтырушы қызметінен босатылғанын жариялады.
Отставкаға кету туралы шешім тараптардың өзара келісімі бойынша қабылданған. Жаңа бас жаттықтырушы Альваро Арбелоа болды. Келісімнің мерзімі туралы ақпарат жария болмады.
«Хаби Алонсо әрқашан «Реалдың» барлық жанкүйерінің сүйіспеншілігі мен құрметіне ие болады. «Реал» әрқашан оның үйі болады. Біздің клуб Хаби Алонсоға және оның бүкіл командасына жұмысы мен адалдығы үшін алғыс айтады және оларға өмірінің жаңа кезеңінде сәттілік тілейді», – делінген Реал Мадридте.
Алонсо итальяндық Карло Анчелоттидің орнына 2025 жылдың мамырында үш жылдық келісімшартқа қол қойды. Оның басшылығымен клуб 34 матч өткізіп, 24 жеңіске жетті, төрт рет тең түсті және алты жеңіліске ұшырады. Жексенбіде Алонсо командасы Испания суперкубогының 2-3 финалдық матчында Барселонадан жеңіліп қалды. Ла Лигада «Реал» 19 турдан кейін екінші орында, «Барсадан» 4 ұпайға артта қалды.
Реалға келгенге дейін Алонсо 2022 жылдың қазан айынан бастап неміс «Байерді» жаттықтырды. 2023/24 маусымда оның басшылығымен Леверкузен клубы өз тарихында алғаш рет Германия чемпионатын, сондай-ақ, ел Кубогы мен Суперкубогын жеңіп алды.
«Байерге «дейін Алонсо испандық «Реал Сосьедад» дублін және «Реал» жасөспірімдер командасын басқарды. Футбол мансабы кезінде испандық «Реал Сосьедад», «Реал», «Эйбар», ағылшын «Ливерпуль» және неміс «Бавария» клубы үшін өнер көрсетті. Ол Чемпиондар Лигасының екі дүркін жеңімпазы. Испания құрамасында Алонсо әлем чемпионатын және екі рет Еуропа чемпионатын жеңіп алды.
Арбелоа 42 жаста, ол Реалдың тәрбиеліп, осы командада өнер көрсеткен. Ол клуб сапында Испания Суперкубогы (2012), сондай-ақе Чемпиондар Лигасы (2014, 2016), клубтық әлем чемпионаты (2014) және УЕФА Суперкубогін (2014) жеңді. Испания құрамасында ол әлем чемпионатын және екі рет Еуропа чемпионатын жеңіп алды. Арбелоа ешқашан команданы ересектер деңгейінде басқарған емес. 2020 жылдан бастап ол Реал академиясында жұмыс істеді, әр түрлі жастағы мадридтіктердің жастар командасын жаттықтырды.
