2025 жылы Қазақстанда театр билеттері соңғы 15 жылда рекордтық деңгейде қымбаттады. Бұл туралы DATA Hub Telegram арнасы хабарлады.
Желтоқсан айының қорытындысы бойынша театрға бару өткен жылмен салыстырғанда орта есеппен 43,3%-ға қымбаттады. Бұл кем дегенде соңғы 15 жылдағы ең жоғары өсім.
Бір қызығы, жыл қорытындысы бойынша театрға билеттер арзан болған емес. Бұл жағдайда, әдетте, бағаның өсуі қалыпты. Мысалы, 2022 жылы – геосаяси дағдарысқа байланысты өсім шамамен 22% құрады. Қазір театрлар инфляцияны 3,5 есе басып озды. Билеттер жылдың екінші жартысында қымбаттаған.
Билеттер 20 аймақтың 15-інде қымбаттады. Әсіресе Астана мен Алматыда, сондай-ақ Түркістан, Шығыс Қазақстан және Батыс Қазақстан облыстарында байқалады. Бірнеше аймақта бағалар бір қалыпта қалған, алайда баға ешбір жерде төмендемеген.
Билік бағаның өсуін театр шығындарының артуымен байланыстырады. Әңгіме коммуналдық қызметтер, ғимараттарды күтіп ұстау және басқа шығындар туралы. Бұл ретте мемлекеттік театрлардың көпшілігі тиімсіз, себебі олар бюджеттен субсидия алады.
Қазір Қазақстанда барлығы 74 театр бар, олардың жартысына жуығы Астана мен Алматыда. Елдегі әрбір бесінші театр жеке театр. Бір жыл ішінде олар 17 мың спектакль өткізіп, оны 3,1 млн көрермен көрген.
Айта кетейік, 13 қаңтарда Мұхтар Әуезов атындағы Қазақ ұлттық драма театрының құрылғанына 100 жыл толады. 1926 жылы қазақ театрының шымылдығы алғашқы кәсіби қойылым – М. Әуезовтің «Еңлік-Кебек» спектаклімен ашылған. Араға жүз жыл уақыт салып, бүгін сол тарихи дәстүр жалғасын тауып, мерейтойлық күні «Еңлік-Кебек» спектаклі қайта сахналанбақ.
