Енді Қазақстанда кәсіпкерлер үшін ақша шығару лимиті қолданылады. Егер сізге осы сомадан артық қажет болса, өтініш беруі қажет, деп хабарлайды Uchet.kz.
Бір ай ішінде шығаруға болатын шекті сома:
- 20 млн теңге – шағын бизнес;
- 120 млн теңге – орта бизнес;
- 150 миллион – ірі бизнес.
Егер қажет сома лимиттен жоғары болса, банк бірнеше талап қояды:
- ақшаны алудың мақсатын түсіндіру;
- клиенттің Мемлекеттік кірістер комитетіне деректерді беруге жазбаша келісімі.
«Кәсіпкер банкке ақша алуға өтінім беріп, алу мақсатын растауы қажет. Осыдан кейін банк өтінішті Мемлекеттік кірістер комитетіне жолдайды», – деді ҚР ҚМ басқарма басшысының орынбасары Ернар Таубеков.
Кірістер комитеті осы компанияда тәуекелдің бар-жоғына өтінімді тексереді. Содан кейін банктің өтінімі келіп түскен күннен бастап бір жұмыс күні ішінде МКК-дан жауап келеді.
Алу мақсатын растау үшін құжаттарды қоса беруге болады. Олардың ішінде: шарт, бұйрық, өкім, шығыстар сметасы, шот-фактура, төлем шоты, жалақы ведомосы, сот шешімі, инвойс, сатып алу актісі және сатып алу ведомосы бола алады.
