Қостанай мен Павлодардағы оқушылар онлайнға ауысты

Ауа температурасының күрт төмендеуіне және қолайсыз ауа райына байланысты Қостанай облысының бірқатар қалалары мен аудандарында мектеп оқушылары қашықтан оқыту форматына көшірілді. Бұл Қазақпарат жазады.

Бейімбет Майлин ауданы: Барлық мектептердің 1–11 сынып оқушылары қашықтан оқуға көшті. Ауа температурасы: –30°C-тан –33°C-қа дейін.
Қостанай қаласы: 1–9 сынып оқушылары қашықтан оқыту форматына ауыстырылды.
Рудный қаласы: Бірінші ауысымдағы 0–9 сынып оқушылары қашықтан оқиды.
Жітіқара ауданы: Ауа температурасы –26,1°C және желдің жылдамдығы 5 м/с болуына байланысты, бірінші ауысымдағы мектепалды даярлық тобы мен 1–7 сынып оқушылары қашықтан оқытуға көшірілді.
Алтынсарин ауданы: Температура –27°C болғандықтан, бірінші ауысымдағы 0–9 сынып оқушылары онлайн форматқа ауысты.
Қарабалық ауданы: Температура –29°C және жел 12 м/с болуына байланысты 1–11 сынып оқушылары қашықтан оқиды.
Лисаковск қаласы: Температура –27°C және жел 5 м/с кезінде бірінші ауысымдағы 1–9 сынып оқушылары қашықтан білім алады.
Әулиекөл ауданы: Бірінші ауысымдағы мектепалды даярлық тобы мен 1–9 сынып оқушылары қашықтан оқытуға көшірілді.
Меңдіқара ауданы: Температура –31…–34°C және жел 5 м/с болғанда, бірінші ауысымдағы мектепалды даярлық тобы мен 1–11 сынып оқушылары қашықтан оқуға ауыстырылды.
Ұзынкөл ауданы: Бірінші ауысымдағы мектепалды даярлық тобы мен 1–11 сынып оқушылары қашықтан оқыту форматына көшті.

14 қаңтардан бастап Павлодар, Екібастұз, Ақсу қалаларының барлық мектептерінде бірінші ауысымдағы оқушылар (мектепалды даярлық топтары мен 1–9 сыныптар) үшін сабақтар қашықтан өткізіледі. Оқушыларды тасымалдау тоқтатылды. Ауа температурасы –29°C градусқа дейін төмендеді.

Еске салайық, бұған дейін Астана оқушылары да ауа-райына байланысты қашықтан оқуға көшкен еді.