Солтүстікте оқушылар 15 қаңтарда онлайн оқуға көшеді

Павлодар және Солтүстік Қазақстан облыстарында мектеп оқушылары мен колледж студенттері қатты аязға байланысты 15 қаңтарда қашықтықтан оқыту форматына ауыстырылды.

Павлодар облысының білім басқармасының хабарлауынша, 15 Қаңтарда өңірде 37 градусқа дейін аяз күтіледі. Бұл күні бірінші ауысымның 1-11 сынып оқушылары, сондай-ақ колледждердің 1 және 2 курс студенттері онлайн оқитын болады.

ТЖД хабарлауынша, Солтүстік Қазақстан облысында 15 қаңтарда 30-35 градусқа дейін қатты аяз күтіледі. Бірінші ауысымның 1-11 сынып оқушылары мен 1-2 курс колледж студенттері үшін оқу орындарындағы сабақтар тоқтатылды.

Бұл аймақтарда қоғамдық көлік қозғалысы да шектеулі.

Бұған дейін қашықтықтан оқыту форматына бірінші ауысымдағы оқушылар ауыстырылды. Елордада да қатты аяз болады.