Қырғызстанда той мен ас беруге қатаң шектеулер енгізілуі мүмкін

Қырғызстанның министрлер кабинеті «Отбасылық салтанаттар мен еске алу рәсімдерін реттеу шаралары туралы қаулы» жобасын қоғамдық талқылауға шығарды. Құжат азаматтардың артық шығындарын азайтуға және салт-дәстүрлер кезіндегі әлеуметтік қысымды төмендетуге бағытталған.

Той-жиынға қойылатын талаптар:

• Қонақ саны: Үйлену тойлары мен отбасылық салтанаттарға 200-ден аспайтын адам шақыруға рұқсат беріледі.
• Мал сою: Салтанатты шаралар үшін бір ірі қарадан (жылқы немесе сиыр) артық мал союға тыйым салынады.
• Шекті мөлшер: 350 адамнан асатын тым ірі тойлар өткізуге жол берілмейді.
• Артық шығындар: Фейерверктерге, шамадан тыс шоу-бағдарламаларға, сондай-ақ киіт кигізу, себет беру, түстендіру сияқты ысырапшыл дәстүрлерге тыйым салынады. Қымбат сыйлықтар беруге мәжбүрлеу тоқтатылуы тиіс.

Жаназа мен еске алу рәсімдері:

• Жаназа күні: Жерлеу күні мал соймау ұсынылады.
• Ас беру: Жылдық ас беру міндетті болмауы тиіс.
• 3, 7, 40 күндік астар: Еске алу рәсімдерінде тек уақ мал немесе бір ірі қарадан (жылқы немесе сиыр) артық союға болмайды.
• Қайырымдылық: Билік өкілдері даңғаза астардың орнына қайырымдылық жасауды, мешітке садақа беруді немесе қаржыны қоғамдық қажеттіліктерге жұмсауды ұсынады.

Былтыр көктемде елімізде мүфтият та аста-төк дастархан жаймау туралы айтқан еді. Ол жайлы толығырақ мына жерден оқи аласыз.