Оңтүстік Кореяның бұрынғы премьер-министрі 23 жылға сотталды

Оңтүстік Кореяның бұрынғы премьер-министрі Хан Док Су 23 жылға сотталды. Ол мемлекеттік бүлік шығаруға жәрдемдесті деп айыпталып отыр. Бұл туралы Синьхуа агенттігі жазады.

Тергеу мәліметінше, экс-премьер Хан Док Су Кореяның бұрынғы президенті Юн Сок елдің басшылығымен ұйымдастырылған бүлікке жәрдемдескен. Шенеунікті әскери жағдайдың заңдылығын қамтамасыз етуге тырысты, ресми құжаттарды қолдан жасап, сот талқылауына кедергі келтіргені үшін кінәлі деп тапты. Сондай-ақ ол тергеумен серіктес болудан бас тартып, берген айғақтарынан бас тартқан.

«Елдегі бүліктің алдын алатын жалғыз адам Хан Док Су еді, бірақ ол міндетін орындаудан бас тартып, бүлікке қатысты», – деді айыптау тарапы.

Арнайы прокурор бұрынғы премьерді 15 жылға соттауды сұраған, сот мерзімін 23 жылға дейін ұзартты.

Оңтүстік Кореядағы саяси шиелініс 2024 жылы басталды. Сол жылы желтоқсанда президент Юн Сок Ёл елде төтенше жағдай жариялап, әскери жағдай енгізілетінін мәлімдеді. Бірақ парламент пен оппозиция бұған келіспей, Юн Сок Ёлге импичмент жариялады. Сәуірде экс-президент биліктен қуылды.

Маусымда Ли Дже Мен елдің жаңа президенті болып сайланды. Қаңтарда экс-президентті ұстап, бес жылға соттады.