Қазақстанда сейсмикалық қауіп-қатерлерді төмендету бойынша жаңа талаптар енгізіліп жатыр. Өнеркәсіп және құрылыс министрлігі бес түрлі ережені атады.
Мекеменің мәліметінше, сейсмикалық қауіпсіздікті қамтамасыз ету үшін мынадай шаралар бекітіледі:
- жобалау кезінде сейсмооқшаулаушы жүйелерді қолдану;
- құрылыс барысында сейсмикалық қауіп пен тәуекелді бағалау;
- конструктивтік жүйелердің сейсмотөзімділігіне міндетті түрде сынақ жүргізу;
- сейсмикалық қауіпті аймақтардағы тұрғын және қоғамдық ғимараттар қорын паспорттау;
- I деңгейдегі жауапкершілікке жататын нысандарға инженерлік-сейсмометриялық станциялар орнату;
- сейсмикалық факторларды ескере отырып, құрылыс салуға ең қауіпсіз алаңдарды таңдау.
Қазақстанның оңтүстігі мен оңтүстік-шығысы сейсмикалық қауіпті аймаққа жатады. Оған Алматы қаласы, сонымен бірге Алматы, Жамбыл, Түркістан, Қызылорда және Жетісу облыстары да кіреді. Маңғыстау өңірінде де сейсмикалық белсенділік жиі байқалады.
