Lada Largus Қазақстанда қайта құрастырылмақ

Lada Largus Қазақстанда қайтадан өндіріле бастайды. «ҚазСтандарттың» ашық дерекқорындағы мәліметке сәйкес, ресейлік модель 2026 жылғы 23 қаңтарда Саран индустриялық аймағында құрастыру үшін көлік құралы түрін мақұлдау (ОТТС) құжатын алды. Курсив Авто универсалдың нарықтағы соңғы он жылын шолып шықты. Осы уақыт ішінде модель үш өндірістік алаңды және екі серіктесті ауыстырған.

Өскемендегі өндіріс

Қазақстандағы Largus тарихы 2016 жылы Өскемендегі «Азия Авто» зауытында басталды. Ол кезде холдинг басшылығы АвтоВАЗ-дың бірден жеті моделін, оның ішінде Lada Granta, Kalina және Vesta модельдерін іске қосуды уәде етіп, Қазақстанды экспорттық хабқа айналдыруды көздеген.

Алайда 2020 жылы дәнекерлеу және бояу цехтарын салу жөніндегі міндеттемелер орындалмағандықтан, кәсіпорынмен жасалған келісім бұзылды. Нәтижесінде 174 млрд теңге көлемінде талап-арыз қойылып, зауыт жұмысы толық тоқтатылды. Оның соңында олигарх Анатолий Балушкинге іздеу жарияланып, топ-менеджерлерге қатысты тергеу басталды. Осылайша жоба сәтсіз аяқталды.

Қостанай: қосалқы бөлшек тапшылығы

2021 жылы Lada Largus және өзге де модельдерді құрастыру Қостанайдағы «СарыарқаАвтоПром» зауытына көшірілді. Алайда өндіріс енді қарқын ала бастағанда, оған саяси жағдай әсер етті. 2022 жылғы наурызда АвтоВАЗ қосалқы бөлшектермен қамтамасыз етуде қиындықтарға тап болып, машиналарды жеткізу мүмкін болмай қалды. Соның салдарынан конвейерлер тоқтап, тараптар келіссөз жүргізуге мәжбүр болды.

Саран: АвтоВАЗ модельдері үшін жаңа кезең

2026 жылдың қаңтарында Largus үшін жаңа кезең басталды. Көлік құралының түрін мақұлдау мәліметіне сәйкес, модельдің өндірушісі ретінде Қарағанды облысындағы «Eurasia Tech» ЖШС көрсетілген. Саран қаласындағы алаңда Lada Largus-тың екі негізгі нұсқасын шығару жоспарланып отыр:

• Коммерциялық фургон (F90 түрі) – екі орынды, тұтас металл шанақпен, шағын бизнеске арналған;
• Жолаушыларға арналған универсал (R90 түрі) – 5 және 7 орындық, классикалық отбасылық нұсқа.

Екі модель де 1,6 литрлік қозғалтқыштармен жабдықталады:

• 90 ат күшіне ие 8 клапанды;
• 106 ат күшіне ие 16 клапанды.

Қозғалтқыштар Ресейде өндіріледі.

Осы орайда Қазақстан билігі 2027 жылға қарай ұсақ торапты құрастыру (CKD) үлесі 50%-ға жетуі тиіс деген талап қойып отыр. Бұл Сарандағы зауыт үшін жауапты міндет болып отыр. Кәсіпорын шанақты толық дәнекерлеу мен бояу өндірісін енгізуі керек немесе бұрынғы сәтсіз жобалардың тағдырын қайталауы мүмкін. Қазіргі таңда көлік құралдарының түрін мақұлдау куәлігі бір жыл мерзімге ғана берілген, бұл жаңа автонарық ойыншысы үшін іс жүзінде сынақпен пара-пар.

«ҚазСтандарттың» жауабы

«ҚазСтандарт» РМК техникалық хатшылығының жетекшісі Николай Ким Курсив Автоға берген түсініктемесінде «Eurasia Tech» компаниясына сертификаттар ресейлік деректер негізінде өнеркәсіптік құрастырудың жеңілдетілген тәртібімен берілгенін айтты. Оның сөзінше, 2026 жылы зауыт жалпы тәртіп бойынша мақұлдау куәлігін алу үшін толық сертификаттау сынақтарынан өтуге міндетті.

«Автокөліктерді ресми түрде сату және дилерлік орталықтарға жеткізу көлік құралдарының түрі мақұлдаудың бірыңғай тізіліміне енгізілгеннен кейін ғана мүмкін болады. Құжат күшіне енген сәттен бастап зауыт келесі күннен-ақ көліктерді айналымға шығаруға құқық алады», — деп түсіндірді «ҚазСтандарт» өкілі.

Lada көліктеріне сұраныс азайды

Айта кетейік, компания Lada көліктеріне сұраныс баяулағанынан өндіріс қарқынын төмендетуге мәжбүр. Соколов 2024 жылы АВТОВАЗ 459 мың көлік сатылса, 2025 жылдың қорытындысы бойынша бұл көрсеткіш шамамен 370 мыңға дейін қысқарады деп болжанды.