Бүгінгі күн күтпеген инсайттарға, цифрлық әбігерге және тосын шешімдерге толы болмақ. Kursiv LifeStyle Geocult.ru порталының есептеулеріне сүйене отырып, 26 қаңтарға арналған жұлдызнама болжамын ұсынады.
Тоқты
Бизнес саласында бүгін асығыс шешім қабылдамаған жөн, тіпті ең маңызды келісімшартты басып шығаратын принтер «қатып» қалса да. Жеке өмірде абай болыңыз: бүгінгі көңіл-күйіңіз біреуді ғашық қылып қана қоймай, жүрегін де жаралауы мүмкін.
Торпақ
Ай Торпақта – бұл күннің ең тиімді инвестициясы тойымды таңғы ас пен ыңғайлы орындық екенін меңзейді. Әріптестердің «ұлы істерге» шақырған арандатуына ермеңіз. Кешке өзіңізге шағын рахат сыйлаңыз.
Егіздер
Суқұйғыштағы Меркурий ойыңызды «Формула-1» жылдамдығына жеткізді, сондықтан идеяларды ұшып кетпей тұрғанда жазып алыңыз. Бизнес үшін бұл апта – нетворкинг пен әлеуметтік желілерді бағындыруға таптырмас уақыт. Махаббатта сөзге шешен болыңыз: бүгін тіл – басты қаруыңыз.
Шаян
Бұрынғы шығындардың салдарынан қорықпаңыз, болашақ серпіліске ресурс жинауға көңіл бөліңіз. Қарым-қатынаста тыныштық кезеңі басталады: сіз үшін бүгін ыстық шай бәрінен де маңыздырақ.
Арыстан
Арыстандардың бүгін басындағы тәжін сынайтын күн. Жұмыста артық кетпеңіз. Әріптестеріңізбен бірге болыңыз. Жеке өмірде имиджді жаңарту немесе кемі сөйлесу стратегиясын өзгерту қажет болуы мүмкін.
Бикеш
Бүгін перфекционист режимін өшіріп, Ғаламға импровизация жасауға мүмкіндік берген жөн. Бизнес саласында ұсақ кедергілер туындауы мүмкін, бірақ олар күтпеген пайдаға айналуы ғажап емес. Кешке жұмысты ұмытып, уақытты жақын жандарға арнаңыз.
Таразы
Харизмаңызды бизнес-идеяларды алға жылжытуға пайдаланыңыз. Махаббатта тосынсый уақыты келді: серігіңізді жай ғана кешкі аспен емес, әлдеқайда ерекше нәрсемен таңғалдырған жөн.
Сарышаян
Марс пен Плутон бүгін кеңседе сіздің «сұр кардинал» екеніңізді меңзейді, қажетті жіптерді дәл тартып отырсыз. Келіссөздерде шектен шықпаңыз, әйтпесе серіктестер сізден сескене бастайды. Жеке өмір тереңдікті талап етеді, кешті жан сырын ақтаруға арнаған дұрыс.
Мерген
Мергендегі Лилит жұлдызы сізді бухгалтеріңіз таңғалатын авантюраларға итермелеуі мүмкін. Өзіңізді тежеп, қаржыңызды сақтап, энергияны білім алуға немесе болашақ сапарларды жоспарлауға бағыттаңыз. Махаббатта әзірге өзіңізге уақыт бөліңіз.
Тауешкі
Марс Тауешкіден кетіп, артық кернеуді өзімен бірге алып кетті. Бизнес үшін бұл – «өнім жинап», аралық қорытынды шығаратын кезең. Жеке қатынастарда жақындарыңыздан нақты махаббат талап етпесеңіз, бәрі өздігімен келеді.
Суқұйғыш
Мансапта, бизнесте және қолға алған кез келген істе сіздің жұлдызды сәтіңіз. Махаббатта харизмаңыз толық қуатта жұмыс істейді – тек оны абайлап қолданыңыз!
Балықтар
Сатурн мен Нептун сізді жұмбақ етеді. Бизнес-болжам иллюзия тұманында маңызды шешім қабылдамауға кеңес береді. Кеш медитацияға, музыкаға немесе терең ұйқыға қолайлы: жұлдыздар бүгін «жүйені қайта жүктеуді» талап етеді.
