Әлемнің екінші ракеткасы Ига Швёнтек пен әлемдік рейтингте бесінші орында тұрған қазақстандық Елена Рыбакина Australian Open турнирінің жартылай финалына жолдама үшін таласады. Бұл қос теннисшінің 12-ші жеке кездесуі болмақ.
Қазіргі таңда жеке кездесулердегі есеп бойынша Швёнтек 6:5 есебімен алда. Польша теннисшісі соңғы бес матчтың төртеуінде жеңіске жеткен. Атап айтқанда, Рыбакинаны:
- United Cup турнирінде – 7:6(5), 6:4;
- Дохадағы WTA 1000 турнирінің ширек финалында – 6:2, 7:5;
- «Ролан Гаррос» турнирінің төртінші айналымында – 1:6, 6:3, 7:5;
- Цинциннатидегі WTA 1000 турнирінің жартылай финалында – 7:5, 6:3
есебімен жеңген.
Алайда олардың соңғы кездесуі 2025 жылғы қорытынды турнирдің топтық кезеңінде өтті. Соңғы ойында Елена Рыбакина айқын басымдықпен жеңіске жетіп, есеп 6:3, 1:6, 0:6 болды.
Қатты жабында (hard) өткен кездесулерде де Швёнтек алда – 5:3, ал «Үлкен дулыға» турнирлеріндегі есеп тең 1:1.
Айта кетейік, ширек финалдық матч ертең 27 қаңтар күні, таңғы 5:30-да басталады.
Ойынды келесі сілтеме арқылы тікелей эфирде көруге болады.
Бұған дейін, Рыбакина 1/8 финалында бельгиялық Мертенсті жеңген еді.
