Tesla компаниясы енді Model S және Model X автокөліктерін шығармайды

Илон Маск Tesla компаниясы Model S және Model X автокөліктерінің өндірісін тоқтату туралы шешім қабылдағанын мәлімдеді.

«Сәл мұңды жаңалық. Бірақ Model S пен Model X жобасын аяқтайтын уақыт шынымен келді», – деді Маск.

Ол «Tesla «пайдаланылатын кезең бойы» қазіргі автокөлік иелерін қолдауды жалғастыра береді деп уәде етті. Бұл модельдер өндірістен биылғы жылдың екінші тоқсанында алынады.

Инвесторлармен өткен телефон конференциясы барысында Маск осыдан кейін Калифорния штатындағы Фримонт қаласында орналасқан зауыт адамтектес Optimus роботтарын шығаруға қайта бейімделетінін айтқан еді.

Бұл жоспарларға баға берген Илон Маск «бағытты өзгертіп, болашаққа қадам басатын уақыт келді» деп атап өтті. Оның сөзінше, Фримонттағы фабрика ұзақ мерзімді болашақта жылына 1 миллионға дейін құлтемір өндіре алады.

Мұның алдында Илон Маск Tesla-ның келесі айда робот-таксиді сынақтан өткізетінін мәлімдеген еді.