АҚШ президенті Дональд Трамп Ақ үйдегі министрлер кабинетінің отырысында Ресей президенті Владимир Путинге қатты аязға байланысты Киевке және Украинаның басқа қалаларына соққыларды бір аптаға тоқтата тұру туралы өтініш білдіргенін айтты.
Мәлімдеме жасалған отырысты Ақ үйдің YouTube арнасы көрсетті.
«Ал аяздың, қатты аяздың салдарынан және олар біз сияқты жағдайда болғандықтан, президент Путиннен бір апта бойы Киев пен басқа қалалар мен елді мекендерге оқ жаудырмауын сұрадым. Бұл жай ғана суық емес. Бұл ерекше суық. Онда да рекордтық аяз бар», – деді Трамп.
Американдық көшбасшының айтуынша, Путин оның өтінішін орындауға келіскен.
Бұл ақпаратқа қатысты Ресей тарапынан ресми мәлімдеме болған жоқ.
Ресей әскерлері Украина аймағына шабуылын жалғастырып жатыр. 23 қаңтар күні Қорғаныс министрлігі Харьков облысындағы Симиновка елді мекенінің алынғаны туралы хабарлады. Ведомство мәліметінше, ауылды «Солтүстік» әскер тобының әскери қызметшілері бақылауға алған. Алайда соғыс жағдайында деректердің растығын анықтау қиын.
Еске салсақ, 23 қаңтарда Абу-Дабиде Ресей, Украина және АҚШ делегацияларының қатысуымен үшжақты келіссөздер басталды.
