Трамп АҚШ-тың ішкі кірістер қызметін 10 миллиард долларға сотқа берді
АҚШ президент Дональд Трамп өзінің салық декларациялары, сондай-ақ компаниялары мен отбасы мүшелерінің декларациялары туралы мәліметтердің заңсыз ашылуына байланысты АҚШ Қаржы министрлігінің Ішкі кірістер қызметін сотқа берді, деп жазады NBC News.
Майами федералды сотына берілген арызда Трамптың президент емес, жеке тұлға ретінде әрекет ететінін жазылған. Өзге талапкерлер ретінден оның екі ұлы, кіші Дональд Трамп пен Эрик Трамп және Трамп ұйымы кіреді.
«Жауапкерлер талапкерлерге бедел мен қаржылық зиян келтірді, оларды қоғам алдында ұятқа қалдырды, олардың іскерлік беделіне әділетсіз нұқсан келтірді және президент Трамп пен басқа талапкерлердің беделіне теріс әсер етті», — делінген шағымда.
АҚШ салық басқармасының бұрынғы қызметкері Чарльз Литтлджон 2024 жылы Трамптың салық құжаттарын Тhe New York Times газетіне берген кінәсін мойындағаннан кейін 5 жылға бас бостандығынан айырылған. 2020 жылы басылым Трамптың 2016 және 2017 жылдары тек 750 доллар федералды табыс салығын төлегенін көрсететін эксклюзивті тергеу жариялады.
Содан кейін Трамп мақаланы «толығымен жалған» және «ойдан шығарылған» деп атады. Ол ақпараттың «заңсыз жолмен алынғанын» айтты.
Литтлджон федералды сотта 2019 және 2020 жылдары мыңдаған басқа ауқатты адамдардың, соның ішінде миллиардерлер Джефф Безостың (Amazon, Blue Origin, The Washington Post, Altos Labs негізін қалаушы және акционері) және Илон Масктың (SpaceX, Tesla басшысы) салық декларацияларын жариялағанын мойындады.
