Пәкістан премьер-министрі Тоқаевқа алғыс айтты

Пәкістан премьер-министрі Қазақстан президенті Қасым-Жомарт Тоқаевқа келіссөздер қорытындысы бойынша қолдау көрсеткені үшін алғыс білдірді, деп хабарлады Ақорда.

4 ақпанда Пәкістан билігімен кездесуден кейін мемлекет басшысы бұқаралық ақпарат құралдары өкілдерінің алдында сөз сөйледі. Қасым-Жомарт Тоқаев премьер-министр Шахбаз Шарифке мемлекеттік сапармен шақырғаны үшін ризашылығын білдіріп, қазақстандық делегацияға көрсеткен қонақжайлылығы үшін Пәкістан халқына алғысын білдірді.

Өз кезегінде Шахбаз Шариф Пәкістан Қазақстанды Орталық Азиядағы негізгі серіктестердің бірі ретінде қарастыратынын атап өтті.

«Нәтижелі келіссөз бен қол қойылған құжаттар біздің екіжақты байланысымыздың дамуына жаңа серпін беретініне сенімдімін. Бүгінгі таңда екі ел серіктестікті нығайта отырып, біз сауда, мәдениет, білім және басқа да көптеген салалардағы ынтымақтастықтың жаңа көкжиектерін ашуды асыға күтеміз. Пәкістан-Қазақсан қарым-қатынастарын одан әрі дамыту ісіне қолдау көрсеткені үшін Сізге алғыс айтқым келеді», – деді Пәкістан премьер-министрі.

Журналистермен қарым-қатынас барысында президент Пәкістанның Қазақстанның Оңтүстік Азиядағы және одан тыс жерлердегі сенімді және маңызды серіктесі екенін атап өтті. Оның айтуынша, екі елдің халықтары Ұлы Жібек жолы мұрасынан бастау алған ғасырлар бойы байланыстарды, сондай-ақ, мәдени және рухани жақындықты байланыстырады.

Мемлекет басшысы Қазақстан мен Пәкістан ортақ құндылықтарды, дәстүрлер мен болашаққа деген ұмтылысты біріктіретінін атап өтті.

Айта кетейік, осыған дейін президент Тоқаевтың сапары барысында жалпы саны 30-дан астам құжатқа қол қойылғанын, оның ішіндегі ең маңызды 19 келісім ресми түрде жарияланғанын жазған едік.