6 ақпанда өткен «Қазақстан жол ғылыми-зерттеу институты» акционерлерінің жалпы жиналысы Азатбеков Кенжебек Жеңісбекұлын институттың вице-президенті етіп сайлауға шешім қабылданды. Оған лауазымына сай 1,3 млн теңге жалақы тағайындалдын.
«Қазақстан жол ғылыми-зерттеу институты» АҚ вице-президенті Азатбеков Кенжебек Жеңісбекұлы сынақ мерзімі 3 ай және лауазымдық жалақысы штаттық кестеге сәйкес 1 300 000 теңге болып тағайындалсын», – делінген «Курсивке» тап болған құжатта.
Ашық дереккөздерде Кенжебек Азатбеков қорғаныс және аэроғарыш өнеркәсібі министрлігі басқармасының басшысы, Көлік және коммуникациялар министрлігінің Ақпараттық қауіпсіздік және ақпараттық технологияларды енгізу бөлімінің бас маманы және басқа да лауазымдарды атқарғаны туралы ақпарат бар.
Институттың кірісі 2023 жылы 2,03 млрд теңге, 2024 жылы 3,03 млрд теңге, таза табысы – 83,9 млн теңге болған. 2024 жылдың соңында институттың бөлінбеген пайдасы 267,1 млн теңгені құраған.
Қаржылық есепке сәйкес, 2024 жылдың соңында институт президенті Арман Халилоллақызы Әлібаева болған. Институттың жалғыз иесі – Қаржы министрлігінің Мемлекеттік мүлік және жекешелендіру комитеті.
Қазақстандық Жол ғылыми-зерттеу институты Астанада тіркелген және Алматыда филиалы бар. Институт ғылыми-техникалық болжамдар мен ұсыныстарды әзірлей отырып, автомобиль жолдарын, көпірлер мен жол құрылыстарын жобалау, салу, жөндеу және күтіп-ұстаудың әлемдік тәжірибесін зерделеу, талдау және жинақтаумен; жолдардың, көпірлердің, су құбырларының, әуеайлақтардың ұшу-қону жолақтарын бағалаумен; материалдар мен конструкциялардың сапасын бақылаумен, жөндеу жұмыстарын жоспарлаумен және басқа қызмет түрлерімен айналысады.
