Республикалық референдум 15 наурызда өтеді
Жарияланды
Елде жаңа Конституцияны қабылдауға қатысты республикалық референдум 15 наурызда өтеді. Президент Қасым-Жомарт Тоқаев жарлыққа қол қойды.
Мемлекет басшысы 2026 жылдың 15 наурызында республикалық референдум өткiзу туралы жарлыққа қол қойды, – деп хабарлады Ақорда.
Бұған дейін Қасым-Жомарт Тоқаев Конституциялық комиссия мүшелерін қабылдады. Сол кезде таяу арада референдум өткізу туралы жарлыққа қол қоятынын айтты.
Президенттің пікірінше, жаңа Конституция ережелері мемлекеттің институционалдық негізін трансформациялау үдерісі толығымен аяқталып, мүлде жаңа конституциялық үлгіге көшетінін көрсетеді.
