Алматыда 1 сәуірден бастап жылу және ыстық су тарифі өседі
2026 жылдың 1 сәуірінен бастап Алматыда жылу энергиясының тарифі көтеріледі. Алматы жылу желілері жаңа тарифтерді енгізеді. Орташа есеппен жылумен қамтамасыз ету, тарату және жеткізу құны 6%-ға өседі деп күтілуде.
Жаңа жылу тарифі
Қосылған құн салығын (ҚҚС) есепке алынған орташа тариф – 5237,37 теңге/Гкал. Халық үшін өсім айтарлықтай байқалады – шамамен 9,8%.
Жеке тұлғалар үшін жаңа тарифтер:
- Жалпы ортақ есептегіштерсіз: 9004,01 теңгеден 9888,30 теңгеге дейін Гкал үшін;
- Ортақ есептегіштері бар: 7364,88 теңгеден 8088,18 теңгеге дейін Гкал үшін.
Ыстық суға қатысты
Ыстық сумен қамтамасыз ету тарифі де өседі. 1 сәуірден бастап баға шамамен 9% қымбаттайды.
Мамандардың бағалауынша, бұл инфляцияға әсерін кейінірек тигізеді. Тарифтердің өсуі жылыту маусымының соңында енгізіліп отыр, сондықтан статистикаға негізгі әсері жылдың соңына жақын көрінуі мүмкін.
Айта кетейік, 2028 жылға дейін Қазақстанда 3,6 млн «ақылды» су есептеу жүйесі орнатылады. Бұл су шығынын айтарлықтай азайтып, шығындарды оңтайландыруға, жабдықтың қызмет ету мерзімін ұзартуға және су тарату мен су бұру жүйесін тиімді басқаруға мүмкіндік береді.
