Коммерциялық жылжымайтын мүлікті токендеу: инвестицияның жаңа дәуірі басталды ма
Ұлттық банк коммерциялық жылжымайтын мүлікті токендеу бойынша пилоттық жобаны іске қосты.
Жоба шеңберінде коммерциялық жылжымайтын мүлікке кепілдік берілген цифрлық токендер шығарылады. Мұндағы бір токен жылжымайтын мүліктің бір шаршы метрінің бағасына тең.
Осылайша, жылжымайтын мүлік цифрлық үлестер түрінде ұсынылып, блокчейн технологиясы арқылы арнайы платформада операциялар жүргізуге мүмкіндік береді.
Пилоттық кезеңде инвесторлар токендерді сатып алып, коммерциялық жылжымайтын мүлікте үлес алу құқығына ие болады, операциялар жүргізіп, табыстарды пропорционалды түрде бөлуге қатыса алады.
Жобаның артықшылығы неде
Блокчейн технологиясы құқықтардың ашық есебін және операциялар тарихын қамтамасыз етеді.
Пилот шектеулі реттеушілік контексте (реттеушілік құмсалғыш) жүзеге асырылып, технологиялық және операциялық аспектілерді, сондай-ақ тәуекелдер мен құқық қолдану практикасын бақылауға мүмкіндік береді.
Бұл цифрлық қаржылық активтер (токендер) арқылы жылжымайтын мүлік операцияларына қатысу механизмін түсінікті әрі қолжетімді етуге жәрдемдеседі, сондай-ақ Қазақстан нарығында осы құралды енгізуге дайындықты қамтамасыз етеді.
Соңғы жылдары қазақстандықтардың криптобиржа, криптовалюталарға деген қызығушылығы артқан. Ұлттық банк жүргізген зерттеуге сәйкес, 1,5 млн адам Қазақстанда тіркелмеген биржаларда криптоактив саудасымен айналысып жүр.
