Лувр қызметкерлері 10 млн еуроға алаяқтық жасады деп айыпталуда
Француз полициясы Лувр мұражайы мен Версаль сарайына қатысты ауқымды операция жүргізді. Олар мұражай қызметкерлері мен гидтер билет алаяқтық схемасын ұйымдастырды деген күдікпен тоғыз адамды ұстаған, деп хабарлайды француз басылымы.
Париж прокуратурасы туристер ең көп баратын мұражайға келтірілген шығын 10 миллион еуродан асады деп есептеген.
Операция 2026 жылдың 10 ақпанында өткен. Ұсталғандардың арасында Луврдың екі қызметкері, бірнеше туристік гидтер және тергеу желінің басты ұйымдастырушысы деп санайтын бір адам бар.
Тергеу мәліметтері бойынша, алаяқтар кем дегенде 2024 жылдың жазынан бастап, ал кейбір бағалаулар бойынша 10 жылға дейін әрекет еткен. Алдаудың негізгі әдістері: бір топқа 20 адамнан асатын топтық экскурсияларды ұйымдастыру; бірдей билеттерді қайта пайдалану: бір билет күні бойы әртүрлі туристер үшін бірнеше рет сканерленген.
Мұражай қызметкерлерінің өздері билеттерді тексермеу үшін қолма-қол ақша алған. Жалған/қайталанатын билеттер қолданған.
Дегенмен, 2024 жылы Лувр әкімшілігі гидтердің күдікті белсенділігін және билет кірістеріндегі сәйкессіздіктерді байқайды, содан кейін ол шағым түсіреді.
Ресми сот тергеуі 2025 жылдың маусымында ұйымдасқан алаяқтық, ақшаны жылыстату, сыбайлас жемқорлық және көмек туралы баптар бойынша ашылған.
Іздеу кезінде күдіктілерден 957 000 еуродан астам қолма-қол ақша, банктік шоттарда шамамен 486 000 еуро және бірнеше көлік тәркіленген.
Бұл мұражайда болған шулы оқиғалардың бірі ғана. 2025 жылдың қазан айында мұражайдан 88 миллион еуроға жуық зергерлік бұйымдар ұрланды.
